Дар Пекин вазъ ва дурнамои татбиқи санадҳои ҳуқуқии Тоҷикистон ва Чин дар самти мақомоти иҷро баррасӣ гардид
ДУШАНБЕ, 17.07.2025 /АМИТ «Ховар»/. 16 июл дар шаҳри Пекин сардори Хадамоти иҷрои назди Ҳукумати Ҷумҳурии Тоҷикистон Аҳтам Абдуллозода бо аъзои доимии Кумитаи Суди Олии Халқии Ҷумҳурии Мардумии Чин Лю Гусян вохӯрӣ намуд. Дар ин хусус ба АМИТ «Ховар» аз Хадамоти иҷрои назди Ҳукумати Ҷумҳурии Тоҷикистон хабар доданд.
Зимни вохӯрӣ ҷонибҳо вазъ ва дурнамои таҳкими ҳамкории дуҷониба дар самти татбиқи санадҳои ҳуқуқӣ, мубодилаи таҷриба, таҳкими иқтидори институтсионалӣ, инчунин тақвияти пояҳои моддию техникии сохторҳои дахлдорро баррасӣ намуданд.
Дар вохӯрӣ таҷрибаи Ҷумҳурии Тоҷикистон барои аз ҷониби мақомоти алоҳида амалӣ шудани сиёсати давлатӣ дар соҳаи истеҳсолоти иҷро, инчунин санадҳои ҳуқуқии дар ин самт амалкунанда қобили таваҷҷуҳ шуморида шуд.
Инчунин ҷонибҳо ба масъалаҳои омӯзиш ва бозомӯзии кадрҳои мақомоти иҷро, такмили ихтисоси мутахассисон, рақамикунонии ҷараёни истеҳсолоти иҷро, беҳсозии низоми мониторинг ва ҳисоботдиҳӣ, инчунин таҳияи роҳу механизмҳои нав барои баланд бардоштани самаранокии фаъолияти мақомоти иҷро таваҷҷуҳи махсус зоҳир намуданд.
Ҷониби Чин иттилоъ дод, ки дар низоми судии Ҷумҳурии Мардумии Чин беш аз 100 ҳазор нафар, аз ҷумла судяҳо, ёрдамчиёни судяҳо ва иҷрочиёни суд фаъолият доранд. Солона беш аз 10 миллион парванда баррасӣ ва санадҳои дахлдор қабул мегарданд, ки 50 то 52 фоизи онҳо ба таври ихтиёрӣ иҷро мешаванд. Санадҳои боқимонда ба иҷрои маҷбурӣ пешниҳод гардида, дар натиҷа солона беш аз 2 триллион юан ба манфиати давлат, шахсони воқеӣ ва ҳуқуқӣ рӯёнида мешавад.
Ёдовар мешавем, ки 5 июли соли 2023 дар шаҳри Душанбе байни Хадамоти иҷрои назди Ҳукумати Ҷумҳурии Тоҷикистон ва Суди Олии Халқии Ҷумҳурии Мардумии Чин Ёддошти тафоҳум оид ба ҳамкорӣ ба имзо расид. Ёддошт имкон медиҳад, ки таҷрибаи пешрафтаи ҳарду давлат мавриди омӯзиш қарор гирифта, омодасозии кадрҳо, мубодилаи маълумоти соҳавӣ ва таъминоти техникию методӣ амалӣ гардад.
АКС: Хадамоти иҷрои назди Ҳукумати Ҷумҳурии Тоҷикистон
Дар Душанбе Форуми ёздаҳуми миллӣ оид ба волоияти қонун баргузор мешавад
Дар Тоҷикистон дар нуҳ моҳ гирифторӣ ба бемориҳои шадиди рӯда зиёд шудааст
26 ОКТЯБР-РӮЗИ КОРМАНДОНИ МАҚОМОТИ СУДӢ. Онҳо дар таҳкими қонуният ва ҳифзи ҳуқуқу озодиҳои инсон нақши муҳим доранд
Дар Душанбе оид ба риояи дурусти қоидаҳои бехатарӣ ҳангоми заминларза корҳои фаҳмондадиҳӣ гузаронида шуданд
Ба муносибати Рӯзи Конститутсияи Ҷумҳурии Тоҷикистон конференсияи илмӣ-амалӣ доир гардид
Дар Маркази касбомӯзӣ ва хизматрасонии ноҳияи Восеъ аз рӯи 5 ихтисос мутахассисон омода карда мешаванд
24 ОКТЯБР — РӮЗИ ИТТИФОҚҲОИ КАСАБА. Нақши он дар ҳимояти ҳуқуқ ва манфиатҳои иҷтимоию иқтисодии кормандон назаррас аст
Дар ноҳияи Шоҳмансур вобаста ба пешгирии ҳолатҳои фавқулода корҳои фаҳмондадиҳӣ гузаронида шуданд
Дар маркази ноҳияи Данғара бунёди 315 бинои истиқоматии аз 9 то 16 ошёна ба нақша гирифта шудааст
Бахшида ба Рӯзи иттифоқҳои касабаи Тоҷикистон ҳамоиши фарҳангӣ доир карда шуд
Дар қаламрави Тоҷикистон заминларза ба амал омад
Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
