Пагоҳ дар Душанбе маросими қуръакашии Ҷоми Тоҷикистон-2025 баргузор мегардад

ДУШАНБЕ, 21.07.2025 /АМИТ «Ховар»/. Пагоҳ, 22 июл дар шаҳри Душанбе маросими қуръакашии қисми асосии Ҷоми Тоҷикистон-2025 баргузор мешавад. Дар ин хусус ба АМИТ «Ховар» аз Федератсияи футболи Тоҷикистон хабар доданд.

Дар марҳилаи 1/8—ниҳоии Ҷоми Тоҷикистон дувоздаҳ бошгоҳи Лигаи олӣ — «КМВА», «Истиқлол», «Барқчӣ», «Хуҷанд», «Вахш», «Равшан», «Ҳосилот», «Регар-ТадАЗ», «Истаравшан», «Эсхата», «Ҳулбук» ва «Панҷшер» — вориди рақобат мешаванд. Ҳамчунин чаҳор дастаи Лигаи якум — «Парвоз», «Сардор», «Саройкамар» ва «Ваҳдат» ба ин марҳила роҳ ёфтаанд.

Имсол ҳар марҳилаи Ҷоми Тоҷикистон аз як бозӣ иборат буда, дастаҳои мизбон дар асоси натиҷаи қуръакашӣ муайян карда мешаванд.

АКС: Федератсияи футболи Тоҷикистон