Ҳаҷми қарзҳои дар шашмоҳаи якуми соли 2025 додашуда 13,7 миллиард сомониро ташкил дод
ДУШАНБЕ, 01.08.2025 /АМИТ «Ховар»/. Бонки миллии Тоҷикистон аз афзоиш ёфтани ҳаҷми қарзҳои дар шашмоҳаи якуми соли 2025 дар мамлакат додашуда иттилоъ дод.
Раиси Бокни миллии Тоҷикистон Фирдавс Толибзода зимни натиҷагирии фаъолияти низоми бонкии мамлакат дар шашмоҳаи якуми соли 2025 дар ҷараёни нишасти матбуотӣ ба хабарнигорон иттилоъ дод, ки ҳаҷми қарзҳои додашуда дар шашмоҳаи якуми соли 2025 маблағи 13,7 миллиард сомониро ташкил дод. Ин нисбат ба ҳамин давраи соли 2024 3,1 миллиард сомонӣ ё 28,9 фоиз зиёд мебошад.
Аз ҳаҷми умумии қарзҳои дар ин давра додашуда ба соҳаҳои истеъмолӣ 49,8 фоиз, савдои хориҷӣ 15,1 фоиз, кишоварзӣ
12,6 фоиз, саноат 9,3 фоиз, хизматрасонӣ 6,4 фоиз, сохтмон 3,6 фоиз ва дигар соҳаҳо 3,2 фоиз рост меояд.
Ҳамзамон аз ҳаҷми умумии қарзҳои дар ин давра додашуда 27,7 фоиз ба соҳибкории истеҳсолӣ рост омада, маблағи
3,8 миллиард сомониро ташкил додааст.
Дар давраи ҳисоботӣ ба маблағи 10,2 милллиард сомонӣ қарзҳои хурд дода шудаанд, ки нисбат ба ҳамин давраи соли 2024 29,0 фоиз зиёд мебошад.
Гуфта шуд, ки фоизи миёнавазни қарзҳо дар моҳҳои январ-июни соли равон бо пули миллӣ 22,4 фоиз ва бо асъори хориҷӣ 11,8 фоизро ташкил дод.
Таъкид гардид, ки маблағгузории қарзӣ яке аз воситаҳои асосии таъмини рушди устувори иқтисодиёт, вусъат додани истеҳсолоти ватанӣ, устувор намудани иқтидори содиротӣ ва ташкили ҷойи нави кор ба шумор меравад.
Марзия САИДЗОДА,
АМИТ «Ховар»
АКС: АМИТ «Ховар»
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Маттео Патроне: «Бонки аврупоии таҷдид ва рушд дар Тоҷикистон лоиҳаҳои гуногунро дар соҳаи энергетика ва бахши хусусӣ амалӣ менамояд»
Президенти Ҷумҳурии Тоҷикистон Эмомалӣ Раҳмон бо Ноиби Президенти Бонки аврупоии таҷдид ва рушд Маттео Патроне мулоқот намуданд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
ҚУРБИ АСЪОР: 1 евро аз 10.1500 то 10.3281 сомонӣ муқаррар шудааст
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
СТРАТЕГИЯИ РУШДИ ИҚТИСОДИ «САБЗ». Дар доираи амали он беш аз 500 ҳазор ҳисобкунаки электронии барқ насб гардидааст
Ҷаласаи навбатии Шурои ҷамъиятиву машваратӣ доир ба фаъолияти гумрукӣ баргузор шуд
