Бонки миллии Тоҷикистон бо «Column Bank» ҳамкориро тақвият медиҳад
ДУШАНБЕ, 18.08.2025 /АМИТ«Ховар»/. Байни Ҷумҳурии Тоҷикистон ва Иёлоти Муттаҳидаи Амрико ҳоло имконияти зиёди татбиқи лоиҳаҳои муштараки сармоягузорӣ дар соҳаҳои гуногуни иқтисодӣ вуҷуд дорад. Ин нукта дар мулоқоти маҷозии Раиси Бонки миллии Тоҷикистон Фирдавс Толибзода бо намояндагони «Column Bank»-и Амрико баррасӣ гардид, иттилоъ медиҳад АМИТ «Ховар» бо истинод ба Бонки миллии Тоҷикистон.
Дар мулоқот ҷонибҳо доир ба ислоҳот дар низоми бонкии мамлакат табодули назар намуданд. Раиси Бонки миллии Тоҷикистон намояндагони «Column Bank»-ро даъват намуд, ки барои ба роҳ мондани муносибатҳои муросилотӣ бо бонкҳои Тоҷикистон, аз ҷумла ифтитоҳи ҳисобҳои мустақими муросилотӣ саҳм гузорад. Дар ин раванд дар мамлакат заминаи ҳуқуқӣ ва шароити зарурӣ пурра фароҳам оварда шуда, риояи қатъии стандартҳои байналмилалӣ, аз ҷумла талаботи тавсияҳои Гурӯҳи татбиқи чораҳои молиявии мубориза бар зидди пулшӯӣ (ФАТФ) таъмин мегардад.
Дар анҷом ҷонибҳо изҳори умедворӣ карданд, ки натиҷаи мулоқот ба густариши ҳамкорӣ байни низомҳои бонкии Тоҷикистону Амрико ва робитаҳои нави молиявӣ мусоидат менамояд.
Бояд гуфт, ки «Column Bank» (Column N.A.) — бонки миллии Амрико буда, махсус барои таҳиягароне (девелоперҳое), ки маҳсулоти молиявиро ба таври барномавӣ эҷод ва идора мекунанд, таъсис дода шудааст. Он дорои платформа, низоми асосии бонкдорӣ ва пайвасти мустақим бо Бонки федералии захиравӣ мебошад.
АКС: Бонки миллии Тоҷикистон
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
