Эмомалӣ Раҳмон: Дӯстӣ ва ҳамкории Тоҷикистону Чин дар сухан не, дар амал аст
ДУШАНБЕ, 29.08.2025 /АМИТ «Ховар»/. 28 августи соли 2025 мусоҳибаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо гурӯҳи расонаҳои Ҷумҳурии Мардумии Чин — рӯзномаҳои “Жэнмин Жибао”, “China Daily”, агентии иттилоотии “Синхуа” ва Медиакорпоратсияи Чин “CMG” (CCTV) дар васоити ахбори оммаи ин кишвар нашр гардид.
Президенти Ҷумҳурии Тоҷикистон муҳтарам Эмомалӣ Раҳмон зимни мусоҳиба изҳор доштанд, ки ҳамкории Тоҷикистон ва Чин дар ҳамаи соҳаҳо ба сатҳи сифатан нав – шарикии ҳамаҷонибаи стратегӣ баромадааст. Дар зимн сафари давлатии Раиси Ҷумҳурии Мардумии Чин ба Тоҷикистон дар соли гузашта ҳамчун руйдоди муҳим дар ин раванд арзёбӣ гардид.
Сарвари давлат муҳтарам Эмомалӣ Раҳмон аҳамияти рушди ҳамкориро дар арсаҳои гуногуни иқтисод, бахусус саноатикунонӣ, энергетика, нақлиёт, сармоягузорӣ, технологияҳои рақамӣ ва татбиқи лоиҳаҳои сабз таъкид карда, изҳор доштанд, ки ташаббуси «Як камарбанд – як роҳ» барои Тоҷикистон имкониятҳои нави иқтисодӣ ва рушди инфрасохторро фароҳам овардааст.
Тавре дар расонаҳои чинӣ омадааст, Президенти Тоҷикистон муҳтарам Эмомалӣ Раҳмон Раиси Чин муҳтарам Си Ҷинпинро «дӯсти худ» хонда, ӯро ҳамчун роҳбари дорои таҷрибаи бузург, ҷаҳонбинии васеъ ва нуфузи ҷаҳонӣ арзёбӣ кардаанд. “Ташаббусҳои ҷаҳонии роҳбари Чин барои сулҳ, амният ва рушди ҳамгироии минтақавӣ аҳамияти бузург доранд”, — иброз доштанд Пешвои миллат.
Дар остонаи сафари худ ба Чин ва иштирок дар Ҷаласаи Шурои сарони давлатҳои аъзои Созмони ҳамкории Шанхай (СҲШ) дар шаҳри Тянҷин, Президенти Тоҷикистон муҳтарам Эмомалӣ Раҳмон ба раёсати Чин дар Созмони ҳамкории Шанхай баҳои баланд дода, онро қадаме дар таҳкими нақши Созмон дар арсаи байналмилалӣ донистанд.
Ҳамзамон, саҳми амалии Чин дар таъмини амнияти минтақавӣ, ки меҳвари асосии рушди устувори иқтисодиву иҷтимоӣ дар минтақа аст, таъкид гардид. Дар ин замина Президенти Ҷумҳурии Тоҷикистон, муҳтарам Эмомалӣ Раҳмон аз раванди ҳамкориҳо ҷиҳати тақвияти муқовимат ба хатару таҳдидҳои амниятӣ, бахусус терроризму ифротгароӣ, тундгароӣ ва ҷудоихоҳӣ, таҳдидҳои киберӣ, қочоқи маводи мухаддир ва дигар зуҳуроти ҷинояткории муташаккили фаромиллӣ ҷонибдорӣ намуданд.
Пешвои миллат Эмомалӣ Раҳмон оид ба омодагӣ ба истиқболи ҷашни таърихии 35-солагии Истиқлоли давлатӣ машварати корӣ доир намуданд
Президенти Ҷумҳурии Тоҷикистон Эмомалӣ Раҳмон Вазири корҳои хориҷии Ҷумҳурии Кипр Константинос Комбосро ба ҳузур пазируфтанд
Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Қирғизистон Садир Жапаров барқияи табрикӣ ирсол намуданд
Супоришҳои қатъии Пешвои миллат доир ба афзун намудани истеҳсоли семент
Маҷлиси Ҳукумати Ҷумҳурии Тоҷикистон баргузор шуд
Президенти Ҷумҳурии Тоҷикистон Эмомалӣ Раҳмон бо Раиси Ҷумҳурии Исломии Эрон Масъуди Пизишкиён суҳбати телефонӣ анҷом доданд
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати иди Қурбон
Пешвои миллат Эмомалӣ Раҳмон Вазири неруи барқ ва оби Шоҳигарии Баҳрайн Ясир Иброҳим ибни Ҳумайдонро ба ҳузур пазируфтанд
Сарвари давлат Эмомалӣ Раҳмон вазири неруи Ҷумҳурии Исломии Эрон Аббос Алиободиро ба ҳузур пазируфтанд
Пешвои миллат Эмомалӣ Раҳмон бо муовини Дабири кулли СММ оид ба масъалаҳои иқтисодӣ ва иҷтимоӣ Ли Ҷунҳуа мулоқот намуданд
Сарвари давлат Эмомалӣ Раҳмон дар Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» иштирок намуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар Конфронси чоруми байналмилалии сатҳи баланд оид ба Даҳсолаи байналмилалии амал: “Об барои рушди устувор, солҳои 2018-2028”
