НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
ЁВОН, 06.08.2025 /АМИТ «Ховар»/. Дар шаш моҳи соли равон аз корхонаҳои истеҳсоли сементи «Хуаксин Ғаюр семент» 48 ҳазору 214 тонна ва аз корхонаи Ҷамъияти дорои масъулияти маҳдуди «Чжунгтсай моҳир семент» 86 ҳазору 440 тонна семент, дар маҷмуъ 134 ҳазору 654 тонна семент, ки 71 миллиону 659,8 ҳазор сомониро ташкил медиҳад, ба хориҷи мамлакат содирот гардид. Дар ин хусус Раиси ноҳияи Ёвон Икромиддин Вализода 5 август зимни нишасти матбуотӣ иттилоъ дод.
Икромиддин Вализода баён дошт, ки дар ин давра ҳамчунин 6 коргоҳи нави истеҳсолию саноатӣ, аз ҷумла коргоҳи истеҳсоли дару тирезаҳои пластикии Ҷамъияти дорои масъулияти маҳдуди «Файзалӣ пласт», коргоҳи истеҳсоли хишти сементию газоблоки Ҷамъияти дорои масъулияти маҳдуди «Девори Ёвон» ва Ҷамъияти дорои масъулияти маҳдуди «Фаррух ва компания», коргоҳи истеҳсоли бетони сохтмонии Ҷамъияти дорои масъулияти маҳдуди «Дастгирии Ёвон», коргоҳи истеҳсоли мебели Ҷамъияти дорои масъулияти маҳдуди «Диловар мебел» ва коргоҳи истеҳсоли газоблоки Ҷамъияти дорои масъулияти маҳдуди «Пойдор саноат» бо зиёда аз 25 ҷойи кори доимӣ сохта, ба истифода дода шуданд.
Иброз гардид, ки барои дар сатҳи баланд пешвоз гирифтани ҷашни 35-солагии Истиқлолияти давлатӣ дар ноҳияи Ёвон бунёди 561 иншооти соҳаҳои гуногуни хоҷагии халқ ба нақша гирифта шудааст. То имрӯз аз ин шумора 428 иншооти таъйиноти гуногун мавриди истифода қарор дода шуд.
Зимни нишасти матбуотӣ иттилоъ дода шуд, ки дар шаш моҳи соли равон 32 километр роҳҳо мумфарш, 60 километр бетонпӯш ва 177 километр роҳҳои ноҳия сангфарш карда шуданд. Мувофиқи нақша, имсол бояд 70 километр роҳҳои маҳаллию ҷумҳуриявии ноҳияи Ёвон мумфарш карда шаванд.
Субҳониддини МАҲМУД,
АМИТ «Ховар»
АКС: АМИТ «Ховар»
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
