НИШАСТИ МАТБУОТӢ. Маркази тадқиқоти стратегӣ бо 26 маркази тадқиқотии хориҷӣ созишномаҳо ба имзо расонид
ДУШАНБЕ, 05.08.2025 /АМИТ «Ховар»/. Маркази тадқиқоти стратегии назди Президенти Ҷумҳурии Тоҷикистон дар айни замон бо 26 маркази тадқиқотӣ созишномаҳо ба имзо расонидааст. Инҳо марказҳои тадқиқотии Русия, Қазоқистон, Чин, Ҳиндустон, Арабистони Саудӣ, Туркия, Эрон, Узбекистон, Озарбойҷон, Туркманистон, Кореяи Ҷанубӣ ва дигар давлатҳо ба шумор мераванд. Дар ин хусус имрӯз зимни нишасти матбуотӣ Директори Маркази тадқиқоти стратегӣ Хайриддин Усмонзода иттилоъ дод.
Хайриддин Усмонзода иброз дошт, ки дар шашмоҳаи якуми соли равон Маркази тадқиқоти стратегии назди Президенти Ҷумҳурии Тоҷикистон бо 7 маркази таҳлилии Эрон, Арабистони Саудӣ, Чин ва Муғулистон Ёддошти тафоҳуми ҳамкорӣ ва барномаи ҳамкорӣ ба имзо расонид.
Ҳамзамон иброз гардид, ки моҳи сентябри соли равон байни Маркази тадқиқоти стратегии назди Президенти Ҷумҳурии Тоҷикистон ва Маркази тадқиқотии Арабистони Саудӣ баимзорасонии Созишномаи ҳамкорӣ дар назар дошта шудааст. Дар доираи ин санад иштироки тарафайн дар чорабиниҳое, ки дар ҳарду давлат баргузор мешаванд, пешбинӣ шудааст.
Ҳамкорӣ бо созмонҳои байналмилалӣ барои тарғибу тавзеҳи мавқеи сиёсати давлатии мамлакат аз ҷониби коршиносон доир ба масъалаҳои рӯзмарра ва ҷолиби тарафайн дар фаъолияти марказ муҳим арзёбӣ мегардад. Маркази тадқиқоти стратегии назди Президенти Ҷумҳурии Тоҷикистон аъзои марказҳои таҳлилии Созмони Аҳдномаи амнияти дастҷамъӣ, Форуми Созмони ҳамкории Шанхай, Форуми марказҳои стратегии Осиёи Марказӣ, Маркази Созмони Милали Муттаҳид доир ба дипломатияи боздоранда дар Ашқобод, Форуми марказҳои стратегии Осиёи Марказӣ ва Чин, Форуми марказҳои стратегии Осиёи Марказӣ ва Кореяи Ҷанубӣ мебошад.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар Душанбе нахустин Анҷумани саратоншиносон ва радиологҳои Тоҷикистон доир шуд
Тоҷикистон то имрӯз ба 11 конвенсияи байналмилалии муҳитизистӣ ҳамроҳ шудааст
Дар Душанбе иди бостонӣ ва миллии мо-Меҳргон бо шаҳомати хосса доир мегардад
Намояндагони Суди Олии Тоҷикистон дар Форуми байналмилалии судяҳо оид ба моликияти зеҳнӣ иштирок намуданд
Оид ба стратегияи ҳамкории Тоҷикистон ва Корея машғулияти академӣ доир шуд
Лоиҳаи Қонуни Ҷумҳурии Тоҷикистон «Дар бораи бостоншиносӣ» баррасӣ гардид
Намояндагони Сафорати Тоҷикистон дар Русия бо донишҷӯёни тоҷик вохӯрӣ намуданд
Дар Панҷакент иншооти иҷтимоӣ ва хизматрасонӣ ифтитоҳ гардиданд
Ҳамкории Тоҷикистон бо Гурҷистон дар такмили низоми нафақа густариш меёбад
ОМОДАГӢ БА ЗИМИСТОН. Муассисаҳои тандурустии шаҳри Хуҷанд ба мавсими сармо ҳамаҷониба омода мешаванд
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
