Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
ДУШАНБЕ, 28.08.2025 /АМИТ «Ховар»/. Густариши фаъолият дар доираи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ ва ноил шудан ба ҳадафҳои муайяншуда 27 август зимни мулоқоти Раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон Фарҳод Раҳимӣ ва намояндаи Бонки Осиёии рушд хонум Шин Лонг баррасӣ гардид.
Фарҳод Раҳимӣ аз ҳамкории пурсамари дуҷониба изҳори қаноатмандӣ карда, доир ба фаъолияти кумита маълумоти муфассал пешниҳод намуд.
Иброз гардид, ки дар кумита Системаи иттилоотии идоракунии таҳсилот ба фаъолият шуруъ намуда, тамоми муассисаҳо ба он пайваст мебошанд. Он тадриҷан бо маводи рақамии таълимӣ, аз қабили китобҳои электронӣ, дастурҳои таълимию корӣ, дарсҳои видеоӣ, аудиокитобҳо ва тестҳои онлайнӣ пур карда мешавад, то аз тамоми шаҳру ноҳияҳои ҷумҳурӣ омӯзгорону хонандагон, донишҷӯёни литсейҳо ва коллеҷҳои мамлакат аз онҳо ба осонӣ истифода баранд.
Шин Лонг аз омодагии роҳбарияти Бонки Осиёии рушд барои таҳкиму густариши ҳамкорӣ бо кумита изҳори умедворӣ намуда, гуфт, ки талош менамоянд дар рушди соҳа саҳм гузоранд.
Ҳамсуҳбатон инчунин ба масъалаи аз такмили ихтисос гузаронидани омӯзгорон, тақвият додани ҳамкории муассисаҳо бо корфармоёни ватанӣ таваҷҷуҳи бештар дода, ба масъалаи иқтисоди «сабз» (панелҳои офтобӣ, таъмири автомобилҳои барқӣ ва истеҳсоли энергияи «сабз») табодули андеша намуданд.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Бахшида ба Рӯзи иттифоқҳои касабаи Тоҷикистон ҳамоиши фарҳангӣ доир карда шуд
Дар қаламрави Тоҷикистон заминларза ба амал омад
Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
Масъалаи ба такмили ихтисос фаро гирифтани табибони тоҷик дар Эрон баррасӣ гардид
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
