Ҳайати Тоҷикистон дар иҷлосияи 36-уми Шурои байнидавлатии обуҳавошиносии кишварҳои ИДМ иштирок намуд
ДУШАНБЕ, 27.09.2025. /АМИТ «Ховар»/. 25-26 сентябр дар шаҳри Тошканди Ҷумҳурии Узбекистон иҷлосияи 36-уми Шурои байнидавлатии обуҳавошиносии кишварҳои аъзои Иттиҳоди Давлатҳои Мустақил баргузор гардид, ки дар он роҳбарият ва мутахассисони Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон иштирок намуданд. Дар ин хусус ба АМИТ «Ховар» аз Агентии обуҳавошиносии мамлакат хабар доданд.
Иҷлосияи 36-уми Шурои байнидавлатии обуҳавошиносии кишварҳои аъзои Иттиҳоди Давлатҳои Мустақил бо мақсади баррасии самтҳои стратегӣ ва мубодилаи дастовардҳои илмию техникӣ дар соҳаи обуҳавошиносӣ ва зуҳуроти хатарноки табиӣ доир гардид.
Дар ин чорабинии сатҳи баланд тибқи анъана роҳбарон ва намояндагони тамоми хадамоти миллии обуҳавошиносии кишварҳои аъзои Иттиҳоди Давлатҳои Мустақил иштирок намуданд.
Ҳайати Тоҷикистон дар ин иҷлосия оид ба зарурати таҳкими иқдоми муштарак дар ҳифзи манфиатҳои кишварҳои минтақа дар шароити тағйирёбии иқлим маъруза намуданд.
Ин чорабинии сатҳи баланд имконият медиҳад, ки роҳҳои муассири дарёфт ва истифодаи саривақтии иттилооти обуҳавошиносӣ таҳия шуда, шарикии хадамоти миллии обуҳавошиносӣ таҳким ёбад.
Дар доираи иҷлосия масъалаҳои рушди фаъолияти хадамоти миллии обуҳавошиносӣ, таҳкими ҳамкорӣ дар доираи Иттиҳоди Давлатҳои Мустақил ва Созмони умумиҷаҳонии обуҳавошиносӣ, инчунин раванди иҷрои Стратегияи рушди фаъолияти обуҳавошиносии кишварҳои аъзои Иттиҳоди Давлатҳои Мустақил ва татбиқи нақшаи он, системаи ҷаҳонии мубодилаи маълумот ва технологияҳо, беҳтар намудани дақиқии пешгӯиҳо ва самаранокии системаи огоҳкунии хатарҳо, рушди лоиҳаҳо ва барномаҳои муштарак барои баланд бардоштани малакаи мутахассисон, навсозии инфрасохтори техникӣ ва татбиқи усулҳои инноватсионӣ муҳокима гардиданд.
АКС: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
