Ҳайати Тоҷикистон дар вохӯрии ҷаҳонии вазирони Семаул ва ҳамоиши роҳбарони Семаул иштирок дорад

ДУШАНБЕ, 19.09.2025. /АМИТ «Ховар»/. Ҳайати Тоҷикистон таҳти роҳбарии Раиси Кумитаи рушди маҳали назди Президенти Ҷумҳурии Тоҷикистон дар шаҳри Кёнҷуи Ҷумҳурии Корея дар вохӯрии ҷаҳонии вазирони Семаул ва ҳамоиши роҳбарони Семаул иштирок дорад, ки он 17 сентябр оғоз ёфта, то 19 сентябр идома мекунад. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Корея хабар медиҳад.
Ҳамзамон дар доираи ин чорабинӣ Раиси Кумитаи рушди маҳал Шарифҷон Ҷумъазода бо Президенти Маркази Семаул Ундонг Ким Кванг Лим вохӯрӣ намуд.
Зимни вохӯрӣ ҷонибҳо дурнамои рушди ҳамкорӣ дар соҳаи рушди маҳал, татбиқи лоиҳаҳои нав бо деҳоти Тоҷикистон, ташкили даврҳои бозомӯзии мутахассисони соҳа ва дигар самтҳои афзалиятноки ҳамкориро баррасӣ намуданд.
АКС: Сафорати Ҷумҳурии Тоҷикистон дар Ҷумҳурии Корея