Дар Алмато беш аз 900 тонна маҳсулоти кишоварзӣ аз вилояти Хатлон ба намоиш гузошта шуд
ДУШАНБЕ, 22.09.2025. /АМИТ «Ховар»/. Аз 20 то 21 сентябр дар шаҳри Алматои Ҷумҳурии Қазоқистон Намоишгоҳи маҳсулоти кишоварзӣ, саноатӣ, ҳунарҳои мардумӣ ва таомҳои миллии вилояти Хатлон доир гардид. Дар ин намоишгоҳ 950 тонна маҳсулоти кишоварзӣ пешниҳод гардид.
Тавре ба АМИТ «Ховар» аз хадамоти матбуоти Раиси вилояти Хатлон иттилоъ доданд, дар Ҷумҳурии Қазоқистон Намоишгоҳи маҳсулоти кишоварзӣ, таъомҳои миллӣ, сайёҳӣ, ҳунарҳои мардумӣ ва барномаи фарҳангӣ пешкаши сокинону меҳмонон гардонида шуд.
Дар гӯшаҳои алоҳидаи намоишгоҳ маҳсулоти хушсифату аз лиҳози экологӣ тозаи кишоварзӣ, ба монанди тарбузу харбуза, намудҳои гуногун ва хуштаъми ангур, сабзавоту меваҷот дар шакли тару тоза, хушк ва консервашуда, асал ва дигар номгӯи маҳсулот ба намоиш ва фурӯш гузошта шуд, ки мавриди таваҷҷуҳи зиёди сокинону меҳмонони шаҳри Алмато гардид.
Ин тадбири муҳим барои густариши равобити иқтисодию тиҷоратӣ, ҷалби сармоя ва пайдо намудани шарикони ҳамкор заминаи мусоид фароҳам оварда, дар афзоиши минбаъдаи гардиши савдои хориҷии ду мамлакат нақши муайян мегузорад.
Дар доираи баргузории намоишгоҳ Раиси вилояти Хатлон Давлаталӣ Саид бо ҳокими вилояти Алмато Марат Султонгазиев вохӯрӣ намуд.
Ҷонибҳо ҳамкории дуҷониба дар самти таъсиси корхонаҳои муштарак ва таҳлили раванди ҳамкорӣ дар ҳама бахшҳо, ташаккули боз ҳам беҳтари равобит дар масъалаҳои тиҷорат, илму маориф, тандурустӣ ва дигар самтҳоро мавриди барррасӣ қарор доданд.
Ҳамчунин Раиси вилояти Хатлон бо фаъолияти Ҷамъияти дорои масъулияти маҳдуди «Fruit Art» шинос шуд. Ҷамъияти дорои масъулияти маҳдуди «Fruit Art» бо истифода аз технологияи олмонӣ меваро коркард намуда, дорои яхдонҳои махсуси 3000-тоннагӣ ва анбори замонавии нигоҳдории меваҷот бо иқтидори 15 000 тонна мебошад. Тибқи иттилоъ, дар ин коргоҳ 420 нафар ба таври доимӣ кор мекунанд.
Корхона аз рӯи ҳаҷми интиқоли ашёи хом дар ҷаҳон яке аз се корхонаи истеҳсолкундаи мева дар яхдон буда, таҷрибаи истеҳсолии он нодир аст.
АКС: Хадамоти матбуоти Раиси вилояти Хатлон
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
РАВАНДИ ОБИ ДУШАНБЕ. Форуми «Об ва хатарҳои иқлимӣ: илм, мониторинг ва идоракунӣ» баргузор шуд
Дар ноҳияи Бобоҷон Ғафуров ҷамъоварии маҳсулоти барвақтӣ идома дорад
25 МАЙ — РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. 80 фоизи савдои ҷаҳонӣ аз стандартҳо вобаста аст
Форуми сафарбаркунии сармоягузориҳои хусусӣ ва маблағгузории инноватсионӣ барои инфрасохтори об дар кишварҳои рӯ ба тараққии маҳсур дар хушкӣ оғоз шуд
