Дар Душанбе Мусобиқаи «Дави дӯстӣ» баргузор мегардад
ДУШАНБЕ, 24.09.2025. /АМИТ «Ховар»/. Дар шаҳри Душанбе бо ташаббуси Сафорати Ҳиндустон дар Ҷумҳурии Тоҷикистон дар ҳамкорӣ бо Кумитаи кор бо ҷавонон ва варзиш ва Мақомоти иҷроияи ҳокимияти давлатии шаҳри Душанбе бахшида ба 33-солагии истиқрори муносибатҳои дипломатӣ байни Ҷумҳурии Тоҷикистон ва Ҷумҳурии Ҳиндустон Дави 4-уми солонаи дӯстии Тоҷикистон-Ҳиндустон-2025 ва Дави «Виксит Бҳарат» баргузор мегардад. Мусобиқаи «Дави дӯстӣ» 28 сентябр, соати 07:30 дар «Наврӯзгоҳ»-и Душанбе доир мегардад. Дар ин хусус ба АМИТ «Ховар» аз Сафорати Ҳиндустон дар Тоҷикистон хабар доданд.
Дави мазкур дар ду масофа — 3 км ва 7,5 км аз назди «Наврӯзгоҳ»-и пойтахт то буриши кӯчаи Карамов ва хиёбони Ҳофизи Шерозии шаҳри Душанбе байни мардон ва занон гузаронида мешавад. Баъд аз тай намудани ин масофаҳо ғолибону ҷоизадорони «Дави дӯстӣ» аз ҷониби ташкилкунандагон бо Диплом ва туҳфаҳои молӣ қадрдонӣ карда мешаванд.
Дар мусобиқа кормандони вазорату идораҳои давлатӣ, устодону донишҷӯёни муасисаҳои таҳсилоти олии касбӣ, сокинони пойтахт, дӯсторони дав, ҷавонону варзишгарони шаҳри Душанбе ва донишҷӯёну шаҳрвандони кишвари Ҳиндустон, ки дар пойтахти мамлакат таҳсил ва иқомат мекунанд, метавонанд фаъолона иштирок намоянд.
Муносибатҳои Тоҷикистону Ҳиндустон ҳанӯз аз аввали солҳои соҳибистиқлолӣ, аниқтараш аз 28 августи оли 1992 ба роҳ монда шуда, Ҳиндустон барои Тоҷикистон чун давлати дӯст шинохта шудааст.
АКС: Сафорати Ҳиндустон дар Душанбе
Таҳти унвони «Илм ва таҳсилот баҳри солимии миллат» конференсияи илмӣ-амалӣ баргузор гардид
Дар шаҳру ноҳияҳои вилояти Суғд намоиш — фурӯши ангишт доир гардид
Барои таъмини тозагии муҳити атроф ба шаҳру ноҳияҳои вилояти Суғд 10 адад мотороллери барқӣ дастрас гардид
Дар Душанбе конфронси миллӣ оид ба ҳифзи гуногунии биологӣ баргузор шуд
Дар шаҳри Роғун бахшида ба 31-солагии қабули Конститутсияи Тоҷикистон ҳамоиш доир шуд
Имрӯз дар шаҳри Душанбе ҳаво то 23 дараҷа гарм мешавад
ҚУРБИ АСЪОР: 1 доллари ИМА аз 9.2822 то 9.3200 сомонӣ муқаррар шудааст
Озмуни «Беҳтарин донандаи Конститутсияи Ҷумҳурии Тоҷикистон» баргузор шуд
Донишгоҳи техникии Тоҷикистон бо Донишгоҳи шаҳрсозии Тянҷин дар соҳаи таҳсилоти муҳандисии муосир ҳамкорӣ менамояд
Имрӯз дар Тоҷикистон ҳаво тағйирёбандаи бебориш пешгӯӣ мешавад
Таҳти унвони «Зеҳни сунъӣ ва омилҳои таъсирасон ба маърифати насли наврас» конференсия доир шуд
Дар Маркази тадқиқоти стратегӣ оид ба масъалаи тарбияи кадрҳои илмӣ ҳамоиш доир шуд
