Дар шаҳри Риёз 34-солагии Истиқлоли давлатии Ҷумҳурии Тоҷикистон таҷлил карда шуд
ДУШАНБЕ, 13.09.2025 /АМИТ «Ховар»/. 9 сентябр ба ифтихори 34-солагии Истиқлоли давлатии Ҷумҳурии Тоҷикистон Сафорати Ҷумҳурии Тоҷикистон дар Подшоҳии Арабистони Саудӣ чорабинии идона баргузор намуд. Дар ин хусус ба АМИТ «Ховар» аз Сафорати Ҷумҳурии Тоҷикистон дар Подшоҳии Арабистони Саудӣ хабар доданд.
Дар чорабинӣ раиси шаҳри Риёз Шоҳзода Файсал ибни Абдулазиз, масъулони волмақоми ниҳодҳои давлатии Арабистони Саудӣ, аъзои корпуси дипломатии муқими Риёз, намояндагони доираҳои корӣ ва васоити ахбори оммаи кишвари иқомат ва инчунин ҳамватанони тоҷикистонии муқими Арабистони Саудӣ иштирок намуданд.
Сафири Фавқулода ва Мухтори Ҷумҳурии Тоҷикистон дар Подшоҳии Арабистони Саудӣ Акрам Каримӣ дар бораи дастовардҳои даврони Истиқлол сухан гуфта, таъкид кард, ки имрӯз Тоҷикистон таҳти роҳбарии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар роҳи ҳифзи истиқлол ва соҳибихтиёрӣ, таҳкими асосҳои давлати демкоративу ҳуқуқбунёд ва татбиқи стратегияҳо ва ҳадафҳои авлавиятноки худ қадамҳои устувор мениҳад.
Дар идомаи суханронӣ бо ишора ба нақши афзояндаи Тоҷикистон дар арасаи байналмилалӣ дар бораи ташаббусҳои байналмилалии кишвар дар самтҳои мудирияти захираҳои обӣ, ҳифзи пиряхҳо, зеҳни сунъӣ ва ҳамгироии минтақавӣ маълумот дода шуд.
Ҳамзамон нақши калидии роҳбариятҳои олии ду мамлакат ҷиҳати таъмини раванди рушди бемайлони ҳамкории мутақобилан судманд таъкид гардид.
Дар доираи чорабинӣ ба ҳозирин филми мустанади кутоҳ дар бораи муносибатҳои Тоҷикистон ва Арабистони Саудӣ ва наворҳои мухталиф дар бораи имкониятҳои сармоягузорӣ ва сайёҳии Тоҷикистон ба забони арабӣ ва англисӣ ба намоиш гузошта шуданд.
Дар ҳошияи ҳамоиш рӯнамоии китобҳои «Тоҷикон»- и академик Бобоҷон Ғаффуров ва “Тоҷикон дар оинаи таърих”-и Президенти Ҷумҳурии Тоҷикистон муҳтарам Эмомалӣ Раҳмон дар тарҷумаи арабӣ баргузор гардид.
Инчунин дар гӯшаи фарҳангиию иттилоотии ҳамоиш асарҳо ва китобҳо дар бораи корнома ва хизматҳои бузурги Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, дастовардҳои даврони Истиқлол, таърихи пурғановати фарҳангу тамаддуни тоҷикон ва инчунин брошюраҳо ва маводи муаррифӣ дар бораи зарфиятҳои сайёҳии Тоҷикистон ба намоиш гузошта шуданд.
АКС: Сафорати Ҷумҳурии Тоҷикистон дар Подшоҳии Арабистони Саудӣ
Дар деҳаи Шаҳбури ноҳияи Данғара меҳмонхонаи замонавии «Шоҳроҳ» ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мастчоҳ сохтмони якчанд иншооти ҷашнӣ идома дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Зафаробод Маркази хизматрасонии «Зарафшон» ба истифода дода шуд
Дар Женева тақвияти ҳамкории Тоҷикистон бо Созмони умумиҷаҳонии сайёҳӣ баррасӣ гардид
Ҳамкории Тоҷикистон ва Қатар дар соҳаҳои илму маориф баррасӣ шуд
Сарвари давлат Эмомалӣ Раҳмон дар деҳаи Пушинги ноҳияи Данғара мавзеи нави саноатиро бо 3 коргоҳи истеҳсолӣ ифтитоҳ намуданд
Пешвои миллат Эмомалӣ Раҳмон дар деҳаи Пушинги ноҳияи Данғара 3 бинои дуошёнаи истиқоматӣ барои омӯзгоронро ба истифода доданд
Президенти Ҷумҳурии Тоҷикистон Эмомалӣ Раҳмон дар деҳаи Пушинги ноҳияи Данғара кӯдакистони №11 ва 8,5 километр роҳҳои дохилиро тариқи фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Данғара Муассисаи таҳсилоти миёнаи умумии рақами 88-ро мавриди истифода қарор доданд
Пешвои миллат Эмомалӣ Раҳмон дар ноҳияи Данғара бинои нави Қасри фарҳанги деҳаи Пушингро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои нави Ҷамоати деҳоти Пушингро ифтитоҳ намуданд
Сарвари давлат Эмомалӣ Раҳмон дар деҳоти Пушинги ноҳияи Данғара бинои Муассисаи томактабии «Гулистон»-ро ба истифода доданд
