Дастовардҳои Тоҷикистон дар соҳаи инфрасохтори роҳу нақлиёт дар конфронси ҷаҳонии GICC муаррифӣ шуданд
ДУШАНБЕ, 18.09.2025 /АМИТ «Ховар»/. Аз 16 то 18 сентябр дар пойтахти Ҷумҳурии Корея –Сеул Конфронси ҷаҳонӣ оид ба ҳамкории инфрасохторӣ (Global Infrastructure Cooperation Conference, GICC-2025) баргузор гардид, иттилоъ медиҳад АМИТ «Ховар» бо истинод ба Вазорати нақлиёти Ҷумҳурии Тоҷикистон.
Конфронси GICC аз ҷониби Вазорати замин, инфрасохтор ва нақлиёт (MOLIT) ва Ассотсиатсияи байналмилалии сохтмончиён (ICAK) — и Ҷумҳурии Корея созмон дода шуда, ҳадафаш аз ҷамъ овардани намояндагони муассисаҳои давлатии хориҷӣ ва соҳибони асосии лоиҳаҳо барои ҳавасмандгардонии мубодила ва ҳамкорӣ бо ширкатҳои Корея дар бахши инфрасохтор иборат буд.
Дар Конфронси GICC дар қатори беш аз 200 вазири нақлиёти кишварҳои гуногуни ҷаҳон ва намояндагони баландпояи давлатҳои хориҷӣ Вазири нақлиёти Ҷумҳурии Тоҷикистон Азим Иброҳим иштирок намуда, дастовардҳои Тоҷикистонро дар соҳаи инфрасохтор ва нақлиёт муаррифӣ намуд. Иброз гардид, ки Тоҷикистон дар татбиқи якчанд тарҳи инфрасохторӣ ва нақлиётӣ бо Ҷумҳурии Корея ҳамкории судманд ба роҳ мондааст. Аз ҷумла, дар ҳамкорӣ бо сохторҳои марбутаи Корея имсол омодасозии пешниҳоди пеш аз лоиҳа оид ба асосноккунии техникию иқтисодӣ (АТИ) — и сохтмони метро дар шаҳри Душанбе ба анҷом расид.
Ҳоло Вазорати нақлиёти Тоҷикистон бо Бонки содиротию воридотии Корея (KEXIM) ва Фонди рушди иқтисодии Ҷумҳурии Корея (EDCF) барои оғози лоиҳаи асосноккунии техникию иқтисодии ин иншоот фаъолона ҳамкорӣ мекунад.
Вазири нақлиёти Тоҷикистон ҳамчунин гуфт, ки яке аз лоиҳаҳои дигаре, ки дар соҳаи нақлиёт дар якҷоягӣ бо мутахассисони Кореяи Ҷанубӣ амалӣ гардидааст, асосноккунии техникию иқтисодии сохтмони роҳи оҳани нави «Ҷалолиддини Балхӣ – Панҷи поён» мебошад, ки аҳамияти минтақавӣ дорад. Барои татбиқи ин ва дигар лоиҳаҳо дар соҳаи нақлиёт Вазорати нақлиёти Тоҷикистон бо муассисаҳои дахлдори Ҷумҳурии Корея, аз ҷумла KEXIM, Агентии ҳамкории байналмилалии Корея (KOICA) ва Роҳи оҳани миллии Корея (Korea National Railway) ҳамкории зич ва мутақобили судманд ба роҳ мондааст.
АКС: Вазорати нақлиёти Ҷумҳурии Тоҷикистон
Президенти Тоҷикистон: «Дар 25 соли охир ба рушди иқтисоди мамлакат 760 миллиард сомонӣ сармоя равона гардидааст»
Дар хиёбони Саъдии Шерозии шаҳри Душанбе сохтмони як гузаргоҳ ва як пули мошингард оғоз меёбад
Султон Раҳимзода: «Тоҷикистон ба марҳилаи нави рушди шарикии давлат ва бахши хусусӣ ворид мешавад»
Дар Душанбе ғолибони Озмуни ҷумҳуриявии «Соҳибкори сол – 2026» бо ҷоизаҳо қадрдонӣ карда шуданд
Густариши фаъолияти Корпоратсияи байналмилалии молиявӣ дар Тоҷикистон баррасӣ гардид
Дар Ҷумҳурии Тоҷикистон шумораи соҳибкорзанони фаъол ба 110 ҳазор нафар расид
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Маҷмуи маҳсулоти дохилии Вилояти Мухтори Кӯҳистони Бадахшон дар нуҳ моҳ ба 1,5 миллиард сомонӣ расонида шуд
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Дар Форуми ҷаҳонии озуқаворӣ имконоти соҳаи кишоварзии Тоҷикистон муаррифӣ гардид
MADE IN TAJIKISTAN. Дар доираи Форуми соҳибкории «Тоҷикистон, ба пеш!» маҳсулоти истеҳсоли ватанӣ муаррифӣ гардид
14 ОКТЯБР–РӮЗИ СОҲИБКОРОН. Соҳибкорон неруи бузургу пешбарандаи иқтисодиёти Тоҷикистон мебошанд
