«ДУШАНБЕ — МУАРРИФУ ТАҲКИМБАХШИ АРЗИШҲОИ СОҲИБИСТИҚЛОЛӢ». Бардошт аз ҳамоиши илмӣ-адабӣ
ДУШАНБЕ, 06.09.2025 /АМИТ «Ховар»/. 5 сентябр дар Донишкадаи исломии Тоҷикистон ба номи Имоми Аъзам-Абуҳанифа Нуъмон ибни Собит таҳти унвони «Душанбе — муаррифу таҳкимбахши арзишҳои соҳибистиқлолӣ» ҳамоиши илмӣ — адабӣ баргузор гардид. Дар ин хусус ба АМИТ «Ховар» аз Кумитаи иҷроияи Ҳизби Халқии Демократии Тоҷикистон дар шаҳри Душанбе иттилоъ доданд.
Раиси Кумитаи ииҷроияи Ҳизби Халқии Демокартии Тоҷикистон дар шаҳри Душанбе Абдураҳим Шоҳиён иброз дошт, ки имрӯз мо мардуми Тоҷикистон дар арафаи ҷашни 34-солагии Истиқлоли давлатӣ қарор дорем ва моро мебояд, дар амалӣ намудани ҳадафҳои некусозандаи Президенти Ҷумҳурии Тоҷикистон муҳтарам Эмомалӣ Раҳмон сарҷамъ бошем ва бо кору амали созандаи худ сазовор ба зиндагии шоиста гардем.
Муовини якуми Раиси Ҳизби Халқии Демократии Тоҷикистон Маликшо Неъматзода иброз намуд, ки озодию истиқлол барои ҳар миллат дастоварди муқаддас ба шумор мераванд. Миллати тоҷик давоми садсолаҳо бо ормони давлати мустақили миллӣ зиндагӣ ба сар мебурд. Даврони истиқлолиятро марҳилаи рушд ва инкишофи андешаи ҳуқуқи инсон низ номидан мумкин аст.
Дар ҷараёни ҳамоиш муовини Раиси шаҳри Душанбе Дилбар Одилзода вобаста ба таърихи Истиқлолияти давлатии Ҷумҳурии Тоҷикистон гуфт, ки «Истиқлолияти давлатӣ, Ваҳдати миллӣ ва дигар арзишҳои миллӣ бояд дар ниҳоди ҳар фарди ҷомеа, махсусан насли наврасу ҷавон тарғиб ва ҳифз карда шаванд. Ҳифзи марзу буми ватан, ҳимояи манфиатҳои миллӣ, фарҳанг ва генофонди миллӣ, инчунин тарғиби идеологияи солими миллӣ масъулияти ҳамаи фаъолони ҷомеаи шаҳрвандӣ, бахусус ҳамсафони мо мебошад».
Дар ҳамоиш гуфта шуд, ки халқи тоҷик давоми солҳои дарози таърих барои ҳифзи забон, фарҳанг ва ҳувияти миллии худ муборизаҳои зиёд бурдааст. Баъди ба даст овардани Истиқлолияти давлатӣ дар Ҷумҳурии Тоҷикистон арзишҳои миллию давлатӣ эҳё гардиданд.
Дар фарҷом як зумра аъзои фаъоли Ҳизби Халқии Демократии Тоҷикистон, ки дар амалишавии ҳадафҳои оинномавӣ ва барномавии ҳизбӣ саҳм гузоштаанд, бо Сипоснома ва медали ҷашнии 30-солагии Ҳизби Халқии Демократии Тоҷикистон сарфароз гардонида шуданд.
АКС: Кумитаи иҷроияи Ҳизби Халқии Демократии Тоҷикистон дар шаҳри Душанбе
«ТОҶИКОНА МЕПӮШЕМ!». Дар Донишгоҳи давлатии Бохтар иқдоми ҷумҳуриявӣ доир шуд
ПУРСИДЕД, ҶАВОБ МЕДИҲЕМ. Кадом қонуншиканиҳо метавонанд боиси ихроҷи муҳоҷирони тоҷик аз Русия гарданд?
ДАР ПАЙРАВӢ БА ИҚДОМҲОИ ПЕШВОИ МИЛЛАТ. Дар ноҳияи Рашт ба 80 оилаи ниёзманд ангишт кумак карда шуд
Дар ноҳияи Файзобод китобхона, кӯдакистон ва синфхонаҳои иловагӣ ба истифода дода шуданд
Дар вилояти Суғд беш аз 15 ҳазор иншоот бунёд гардидааст
Дар ноҳияи Восеъ муассисаҳои таълимӣ навсозӣ карда мешаванд
Нақшаи буҷети суғуртаи иҷтимоӣ ва нафақа дар вилояти Суғд беш аз 100 фоиз иҷро гардид
Дар ноҳияи Бобоҷон Ғафуров сохтмони бинои нави муассисаи таълимӣ идома дорад
Дар ноҳияи Ёвон навсозии иншооти варзишӣ ва сохтмони муассисаҳои томактабӣ вусъат меёбад
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат коргоҳи коркарди моҳии ҶДММ «Баҳор»-ро ифтитоҳ намуданд
Пешвои миллат Эмомалӣ Раҳмон дар шаҳри Ваҳдат ба таври фосилавӣ 16 иншооти таъиноти гуногунро ба истифода доданд
Сарвари давлат Эмомалӣ Раҳмон дар шаҳри Ваҳдат корхонаи истеҳсолии «Алянс мебел»-ро мавриди истифода қарор доданд
