Истиқлол мазҳари идеалу ормонҳои таърихии мардуми тоҷик аст
ДУШАНБЕ, 07.09.2025. /АМИТ «Ховар»/. Рӯзи Истиқлоли давлатии Ҷумҳурии Тоҷикистон ҳамасола 9 сентябр дар мамлакат чун яке аз муҳимтарину муқаддастарин идҳои миллӣ ҷашн гирифта мешавад. Аввали моҳи сентябри соли 1991 дар иҷлосияи Шурои Олии Ҷумҳурии Тоҷикистон Эъломияи Истиқлолияти давлатӣ ва Қарор «Дар бораи Эълони Истиқлолияти давлатии Ҷумҳурии Тоҷикистон» қабул гардид. Ин иқдоме буд, ки Тоҷикистонро чун давлати комилихтиёр, демократӣ, ҳуқуқбунёд, дунявӣ ва ягона дар арсаи байналмилалӣ муаррифӣ мекард. Аз он замон то ба имрӯз ин санаи муборак барои миллати тоҷик иди муқаддас ба ҳисоб меравад.
Давоми 34 соли Истиқлоли давлатӣ бо сарварии Президенти Ҷумҳурии Тоҷикистон муҳтарам Эмомалӣ Раҳмон бо вуҷуди бисёр мушкилоту монеаҳо таҳкурсии давлати соҳибихтиёр гузошта шуд ва корҳои азими созандагӣ шуруъ гардиданд. Пешвои миллат таъмини истиқлоли энергетикӣ, аз бунбасти коммуникатсионӣ раҳо намудани мамлакат ва ҳифзи амнияти озуқавории онро аз самтҳои стратегии сиёсати давлатӣ эълон намуданд. Сокинони мамлакат таҳти сарварии Пешвои миллат барои таҳкими суботи иқтисодиву иҷтимоӣ дар шароити афзалияти муносибатҳои нави иқтисодӣ ислоҳоти амиқро дар амал татбиқ менамоянд.
Истиқлол барои мо рамзи олии ватандӯстӣ, бузургтарин неъмати давлатсозию давлатдории мустақил, кору пайкори пайгиронаи созандагӣ, азму талоши фидокоронаи расидан ба истиқлоли сиёсӣ, иқтисодӣ ва фарҳангиро омӯзонида, меъёрҳои ҷомеаи шаҳрвандиро таҳким бахшид ва дар як вақт ҳаёти озодонаи ҳар фард ва дарҳои бахту саодати воқеии миллатро боз намуд.
Бояд гуфт, ки Истиқлоли давлатӣ барои мо нишонаи барҷастаи пойдории давлат, симои миллат, рамзи асолату ҳувият, мазҳари идеалу ормонҳои таърихӣ, шиносномаи байналмилалӣ ва шарафу эътибори ба ҷаҳони мутамаддин пайвастани давлати соҳибистиқлоли Тоҷикистон мебошад. Тамоми сокинони мамлакати озоду ободи мо имрӯз ифтихор доранд, ки 34 сол қабл аз ин нахустин хиштҳои пойдевори истиқлоли воқеӣ ва давлатдории миллии худро ниҳода, бо шарофати мустақилият соҳиби рамзҳои давлатӣ – Парчам, Нишон ва Суруди нави миллӣ гардиданд.
Бошад, ки ҷашни истиқлол ба мамлакати мо шукуфоӣ ва пешравии ҳамаҷониба ва ба мардуми шарифи Точикистон саодату пирӯзии комил оварад.
Абубакр МАННОНЗОДА,
сардори Медиатекаи Президенти Ҷумҳурии Тоҷикистони
Муассисаи давлатии «Китобхонаи миллӣ»
Пешвои миллат Эмомалӣ Раҳмон дар ноҳияи Синои шаҳри Душанбе Муассисаи давлатии «Мактаби бачагонаи мусиқии №3 ба номи Абдуфаттоҳ Одинаев»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Синои шаҳри Душанбе Муассисаи таҳсилоти томактабии «Гулистон»-ро ифтитоҳ намуданд
Сарвари давлат Эмомалӣ Раҳмон дар ноҳияи Фирдавсии шаҳри Душанбе «Кӯдакистони байналмилалии инноватсионии Басбӣ»-ро ба истифода доданд
Пешвои миллат Эмомалӣ Раҳмон дар ноҳияи Шоҳмансури шаҳри Душанбе Муассисаи таҳсилоти томактабии хусусии Ватанпарварро ифтитоҳ намуданд
ФАРМОНЕ, КИ БОИС БА САОДАТИ ЗАНОН ГАРДИД. Андешаҳо дар мавриди он ки ҳуқуқи зан ҷузъи ҷудонопазири ҳуқуқи башар маҳсуб мешавад
35-СОЛАГИИ ИСТИҚЛОЛИ ДАВЛАТӢ. Дар Суғд беш аз 12 ҳазор иншоот ба истифода дода шуд
35-СОЛАГИИ ИСТИҚЛОЛИ ДАВЛАТӢ. 4 километр роҳи деҳаи Меҳргони Шаҳринав мумфарш карда шуд
Кордсоз Бахтиёр Мирзоев: «Кордҳои Истаравшан шакл, таносуб, нақш ва усули коркарди ба худ хос доранд»
35-СОЛАГИИ ИСТИҚЛОЛИ ДАВЛАТӢ. Бунёдкорӣ дар ҷамоатҳои деҳоти Роҳатию Гулистони ноҳияи Рӯдакӣ вусъат меёбад
МАСЛИҲАТИ МУТАХАССИС. Бо фаро расидани фасли зимистон бемориҳои мавсимӣ авҷи бештар мегиранд
ХӮРОКҲОИ ТОҶИКӢ БА ФАСЛҲОИ СОЛ МУВОФИҚАНД. Истеъмоли кадом таом дар фасли зимистон муфид аст?
ТАМОШОИ ЁДГОРИҲОИ ТАЪРИХӢ БО ВОЛИДОН. Охирон маротиба кай бо фарзандатон ба мавзеъҳои таърихӣ рафтед?
