Оид ба пешниҳоди «Стратегияи миллии идоракунии партовҳо то соли 2040» ҷаласаи корӣ доир гардид
ДУШАНБЕ, 21.09.2025 /АМИТ «Ховар»/. 19 сентябр дар Кумитаи ҳифзи муҳити зисти назди Ҳукумати Ҷумҳурии Тоҷикистон оид ба пешниҳоди «Стратегияи миллии идоракунии партовҳо дар Ҷумҳурии Тоҷикистон то соли 2040 ва нақшаи амал барои солҳои 2026–2035» ҷаласаи корӣ баргузор гардид, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон.
Ҷаласа бо иқдоми Муассисаи давлатии «Маркази миллӣ оид ба иҷрои уҳдадориҳои Конвенсияи Стокҳолм оид ба ифлоскунандаи устувори органикӣ» гузаронида шуда, дар он намояндагони ташкилоти ҷамъиятии шарик — созмони экологии «Пешсаф» иштирок намуд, ки дар таҳияи ҳуҷҷати стратегӣ саҳми фаъол гузошта буд.
Ҳадафи асосии ҷаласа шинос намудани ҷонибҳои манфиатдор бо самтҳои калидӣ, вазифаҳо ва механизмҳои татбиқи Стратегияи миллӣ, инчунин муҳокимаи роҳҳои ҳамоҳангсозии муассир барои расидан ба натиҷаҳои устувор дар соҳаи идоракунии партовҳо буд.
Иштирокдорон таъкид намуданд, ки тасдиқи ин стратегия қадами муҳим дар самти идоракунии экологии бехатар ва оқилонаи партовҳо дар мамлакат мебошад.
17 сентябри соли 2025 Президенти Ҷумҳурии Тоҷикистон дар мулоқот бо кормандони Кумитаи ҳифзи муҳити зист дастур доданд, ки дар ҳамкорӣ бо мақомоти дахлдори давлатӣ «Стратегияи миллии идоракунии партовҳо то соли 2035» таҳия ва барои баррасӣ ба Ҳукумати Тоҷикистон пешниҳод карда шавад.
Ҷаласаи мазкур яке аз марҳилаҳои калидӣ барои иҷрои ин супориш мебошад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Таҳти раёсати Тоҷикистон ҷаласаи 108-уми Шурои иқтисодии Иттиҳоди Давлатҳои Мустақил баргузор гардид
Имрӯз дар ноҳияҳои алоҳидаи кӯҳии Тоҷикистон бориши борон ва барф дар назар аст
Доир ба пешгирии кирдорҳои коррупсионӣ конференсияи байналмилалӣ баргузор шуд
Сардори Раёсати робитаҳои байналмилалии Донишкадаи давлатии фарҳанг ва санъати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Орзуи миллионер шудан бо ZET-MOBILE воқеӣ аст
Дар Донишкадаи байналмилалии Хуҷанди Донишгоҳи байналмилалии сайёҳӣ ва соҳибкории Тоҷикистон сохтмони биноҳои нави таълимӣ оғоз шуд
Баланд бардоштани сатҳи таълиму тарбия дар Коллеҷи технологии Конибодом баррасӣ гардид
IRS: Ҳаракати тамоми намуди нақлиёт дар роҳи мошингарди Душанбе-Чанок таъмин аст
ИСТИФОДАИ САМАРАНОКИ ЗАМИН. Беш аз 300 гектар замини ноҳияи Айнӣ ба гардиши кишт ворид карда мешавад
Имрӯз дар Тоҷикистон борон ва барф меборад
Оид ба робитаи фалсафа бо зеҳни сунъӣ машварат баргузор шуд
Бахшида ба Рӯзи ҳуқуқи инсон дар Маркази тадқиқоти стратегӣ конфронс доир шуд
