Раиси Шурои уламои Тоҷикистон бо медали фахрии Анҷумани роҳбарони динҳои ҷаҳонӣ ва суннатӣ сарфароз гардонида шуд

ДУШАНБЕ, 22.09.2025. /АМИТ «Ховар»/. Раиси Шурои уламои Маркази исломии Тоҷикистон Саидмукаррам Абдуқодирзода бо медали фахрии Анҷумани роҳбарони динҳои ҷаҳонӣ ва суннатӣ қадрдонӣ карда шуд. Дар ин хусус ба АМИТ «Ховар» аз Шурои уламои Маркази исломии Тоҷикистон хабар доданд.

Ҷоиза бо фармони Президенти Ҷумҳурии Қазоқистон Қосим Жомарт Токаев дар маросиме, ки дар ҷараёни баргузории Анҷумани VIII пешвоёни динҳои ҷаҳонӣ ва суннатӣ баргузор гардид, супорида шуд.

Ёдовар мешавем, ки Раиси Шурои уламои Тоҷикистон Саидмукаррам Абдуқодирзода дар Анҷумани VIII пешвоёни динҳои ҷаҳонӣ ва суннатӣ, ки 17 сентябр дар шаҳри Остона таҳти раёсати Президенти Ҷумҳурии Қазоқистон ифтитоҳ ёфт, иштирок намуд.

Дар ҳамоиш беш аз 700 намоянда аз 60 кишвари ҷаҳон, аз ҷумла намояндагони тамоми динҳои ҷаҳонӣ ва созмонҳои байналмилалӣ иштирок намуданд.

АКС: Шурои уламои Маркази исломии Тоҷикистон