«САЙРИ ДУШАНБЕ». Ба муносибати Рӯзи ҷаҳонии сайёҳӣ дар пойтахт хатсайри ройгон ташкил карда мешавад
ДУШАНБЕ, 26.09.2025 /АМИТ «Ховар»/. Ба муносибати Рӯзи ҷаҳонии сайёҳӣ, ки 27 сентябр таҷлил мешавад, бо ташаббуси Мақомоти иҷроияи ҳокимияти давлатии шаҳри Душанбе барои сокинон ва меҳмонони пойтахт хатсайри ройгони сайёҳии «Сайри Душанбе» (City Tour) ташкил карда мешавад. Дар ин хусус ба АМИТ «Ховар» аз шуъбаи рушди сайёҳии Мақомоти иҷроияи ҳокимияти давлатии шаҳри Душанбе хабар доданд.
Ҳадафи ин иқдом рушди соҳаи сайёҳӣ, шинос намудани иштирокчиён бо таъриху фарҳанг ва маконҳои ҷолиби пойтахт ва ҷалби таваҷҷуҳи сайёҳон ба шаҳри Душанбе арзёбӣ мешавад. Дар доираи хатсайр роҳбаладон вобаста ба фарогирии иштирокчиён бо забонҳои тоҷикӣ, русӣ ва англисӣ дар бораи имконияти сайёҳии Душанбе маълумоти муфассал медиҳанд ва барои болидахотирии иштирокчиён бо иштироки ҳунармандон мусиқии зинда пешниҳод карда мешавад.
«Сокинону меҳмонон имкон доранд худро тавассути саҳифаҳои шуъбаи рушди сайёҳии Мақомоти иҷроияи ҳокимияти давлатии шаҳри Душанбе дар Фейсбук (Dushanbe-travel), Инстаграм (dushanbe.travel), Телеграмм (dushanbe.travel) ва Tik Tok (dushanbe.travel), почтаи электронӣ: rushdi.sayohi@gmail.com ва шахси масъули тамос: 2231829; 917370707; 003881616 (ба тариқи WhatsApp, Telegram) номнавис намоянд ва аз хатсайри сайёҳии «City Tour» ройгон истифода баранд», — илова намуданд аз шуъбаи рушди сайёҳии Мақомоти иҷроияи ҳокимияти давлатии шаҳри Душанбе.
Макони ҷамъшавӣ назди Муҷассамаи Шоҳ Исмоили Сомонӣ буда, хатсайр 27 сентябр аз соати 19:00 то 20:30 баргузор карда мешавад.
Ёдовар мешавем, ки аз соли 1979 инҷониб ҳамасола 27 сентябр дар тамоми ҷаҳон Рӯзи ҷаҳонии сайёҳӣ маҳсуб мешавад.
АКС аз бойгонӣ
Таҷлили бошукуҳи Рӯзи Президенти Ҷумҳурии Тоҷикистон дар шаҳри Душанбе
Ба муносибати Рӯзи Президент дар Душанбе хатсайри сайёҳӣ ташкил карда шуд
Рустами Эмомалӣ ва Валентина Матвиенко ба «Мактаби таҳсилоти миёнаи умумии ба номи Ю.А. Гагарини шаҳри Душанбе» ташриф оварданд
Дар нуҳ моҳи соли 2025 зиёда аз 90 ҳазор нафар сайёҳ мавзеъҳои таърихию фарҳангии Тоҷикистонро тамошо карданд
Имсол дар Вилояти Мухтори Кӯҳистони Бадахшон даромад аз ҳисоби хизматрасонии сайёҳон 20,4 миллион сомониро ташкил дод
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Шаҳри Душанбе сазовори «Шоҳҷоиза»-и Озмуни ҷумҳуриявии «Беҳтарин шаҳру ноҳия, шаҳраку деҳот, деҳа, маҳали аҳолинишин ва хонаи истиқоматӣ» гардид
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
Дар шаҳри Душанбе зиёда аз 3 миллион бех лола шинонида мешавад
ОМОДАГӢ БА ЗИМИСТОН. Дар Душанбе таъмини 3300 иншоот бо гармӣ дар назар дошта шудааст
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
