СОҲИБҚИРОНИ ШОИРӢ УСТОД РӮДАКИСТ. Бахшида ба Рӯзи Рӯдакӣ ҳамоиши адабӣ доир шуд
ДУШАНБЕ, 19.09.2025. /АМИТ «Ховар»/. 18 сентябр дар Китобхонаи миллии Тоҷикистон бахшида ба Рӯзи Рӯдакӣ (22 сентябр) таҳти унвони «Соҳибқирони шоирӣ Устод Рӯдакист» ҳамоиши адабӣ доир шуд. Дар ин хусус ба АМИТ «Ховар» аз Китобхонаи миллии Тоҷикистон хабар доданд.
Зимни ҳамоиш иброз гардид, ки ҳадаф аз таҷлил намудани Рӯзи Рӯдакӣ гиромидошт ва арҷгузории асосгузори адабиёти классикии тоҷик — Устод Абуабдуллоҳи Рӯдакӣ ва ифтихор аз таъриху фарҳанги пурғановати гузаштагони халқи тоҷик мебошад.
Шеъри Рӯдакӣ беш аз ҳазор сол аст, ки паёми озодию истиқлол, сулҳу дӯстӣ, донишу хирад, накӯкорию ҷавонмардӣ ва зебоию нафосат мерасонад. Он барои наслҳои имрӯза ва оянда низ ҳамчун намунаи олии башардӯстӣ, садоқат ба марзу буми аҷдодӣ, зебоипарастӣ ва ишқи поку беолоиш хизмат мекунад.
Таъкид шуд, ки панду андарзҳои шоир хеле дилкашу гуворо буда, аз мутолиаи он наметавон дил канд. Абёти панду ахлоқии Устод моро ба ҷавонмардию ростқавлӣ, илмандӯзию фарҳангдӯстӣ даъват менамоянд ва дар замирамон некиву накукорӣ ва муҳаббату садоқат мепарваранд. Устод Рӯдакӣ бо осори саршор аз панду насиҳат, бузургдошти илму дониш, накукорӣ ва инсондӯстӣ ҳамчун пири шоирони форсигӯи тамоми дунё пазируфта шудааст.
Ҳамин аст, ки ҳамасола 22 сентябр дар саросари мамлакат Рӯзи Рӯдакӣ таҷлил мешавад. Таҷлили ин рӯз бозгӯи он аст, ки мардуми тоҷик ба Одамушшуаро эҳтироми хосса дошта, панду андарзҳои ӯро дастурамали зиндагии худ қарор додаанд.
АКС: Китобхонаи миллии Тоҷикистон
ФУРӮҒИ «ШОҲНОМА» ДАР ҲАР ХОНАДОНИ ТОҶИК. Фирдавсӣ моро ба посдории арзишҳои миллӣ роҳнамоӣ менамояд
26 январ дар якчанд вазорату идораҳо нишастҳои матбуотӣ баргузор мегарданд
«САДА ҶАШНИ МУЛУКИ НОМДОР АСТ…». Он ба ҷузъи ҷудоинопазири худшиносӣ ва ифтихори миллӣ табдил ёфтааст
Дар Институти математика масъалаҳои муҳими усулҳои нави таҳқиқотӣ ва натиҷаҳои бадастомада баррасӣ шуданд
САДА — МУЖДАИ НАВРӮЗ. Ин ҷашни бостонӣ ифодагари омодагии деҳқонон ба кишту кор мебошад
ҶАЛБИ БЕШТАРИ ХОНАНДАГОН БА ОМӮЗИШИ ФАНҲОИ ТАБИАТШИНОСӢ, ДАҚИҚ ВА РИЁЗӢ. Сессияи зимистонаи Академияи хурди илмҳои Тоҷикистон баргузор гардид
ҶАШНИ САДА. Он чун унсури барҷастаи мероси фарҳангии башарият сазовори ҳифз ва таблиғ дар саросари ҷаҳон аст
Ҳамкории «Тоҷикфилм» бо Институти миллии аудиовизуалии Фаронса тақвият меёбад
«ТОҶИКИСТОН — ВАТАНИ АЗИЗИ МАН». Ғолибони озмун дар баробари мукофотпулӣ аз кадом имтиёзҳо бархӯрдор мешаванд?
ТАМАДДУНИ ОРИЁӢ. Дар Душанбе дар ин мавзуъ Симпозиуми байналмилалии сатҳи баланд баргузор мегардад
СОЛИ ОБОДОНИЮ СОЗАНДАГӢ. Дар ҳудуди Қасри бостонии Ҳулбук корҳои ободкорию сабзгардонӣ идома доранд
