Тоҷикистон ва Қатар ҳамкориро дар соҳаи энергетика ва энергияи «сабз» густариш медиҳанд

ДУШАНБЕ, 04.09.2025 /АМИТ «Ховар»/. 3 сентябр дар шаҳри Давҳа мулоқоти Сафири Фавқулода ва Мухтори Ҷумҳурии Тоҷикистон дар Давлати Қатар Нурмурод Маҳмадалӣ бо раиси Шурои мудирони ширкати энергетикии «Небрас» Муҳаммад Носир Ал-Ҳоҷирӣ баргузор гардид.
Тавре ба АМИТ «Ховар» аз Сафорати Ҷумҳурии Тоҷикистон дар Давлати Қатар хабар доданд, зимни мулоқот ҷонибҳо бо назардошти мувофиқаҳои сатҳи олии ду давлат маҷмуи ҳамкории судманди Тоҷикистону Қатарро баррасӣ намуданд.
Дар мулоқот инчунин ҳамкорӣ дар татбиқи лоиҳаҳои давлатии рушд дар соҳаи энергетика, энергияи «сабз» ва дигар масъалаҳои мавриди назар муҳим арзёбӣ гардиданд.
АКС: Сафорати Ҷумҳурии Тоҷикистон дар Давлати Қатар