Ҳайати Тоҷикистон дар пленум ва анҷумани созмонҳои мудофиавии ИДМ иштирок намуд
ДУШАНБЕ, 08.10.2025. /АМИТ «Ховар»/. Дар шаҳри Самарқанди Ҷумҳурии Узбекистон ҷаласаи Пленуми чордаҳуми Шурои марказии Ҷамъияти ихтиёрии мусоидат ба артиш, авиатсия ва флоти Иттиҳоди Давлатҳои Мустақил ва анҷумани чоруми ғайринавбатии он баргузор шуд. Дар он ҳайатҳои расмии ҷумҳуриҳои Тоҷикистон, Узбекистон, Беларус, Қирғизистон ва Федератсияи Русия иштирок намуданд.
Тавре ба АМИТ «Ховар» аз маркази матбуот ва иттилооти Вазорати мудофиаи Ҷумҳурии Тоҷикистон хабар доданд, иштирокчиён муҳтаво ва самтҳои асосии кори тарбияи ҳарбӣ-ватандӯстии ҷавононро бо назардошти таҷрибаи Ҷумҳурии Узбекистон, масъалаҳои гуногунии шаклҳо ва усулҳои пурсамари омодасозии мутахассисон барои сохторҳои қудратӣ ва хоҷагии халқ муҳокима намуданд.
Зимни ҷаласа нақши муҳими созмонҳои мудофиавӣ ва варзишӣ-техникӣ дар тайёр кардани мутахассисони техникии баландтаҷриба барои Қувваҳои Мусаллаҳи Тоҷикистон махсус таъкид карда шуд. Имрӯз вазифаи асосӣ-ин мукаммал намудани заминаи моддӣ-техникӣ, рушди намудҳои варзиши ҳарбӣ-амалӣ ва омода сохтани варзишгарони бомаҳорат ба шумор меравад.
Таъкид шуд, ки дар шароити кунунӣ зарур аст дар ҳамбастагӣ фаъолият намуда, барои вусъати ҳамгироӣ ва робитаи тарафайн шаклҳои нави судманд дарёфт карда шаванд. Масъалаи тарбияи ватандӯстии ҷавонон барои ҳама созмонҳои мудофиавии Иттиҳоди Давлатҳои Мустақил муҳим буда, дар назди сохторҳои ҳарбӣ ва созмонҳои мудофиавӣ дар ин самт вазифаҳои нав гузошта шудаанд.
Зимни ҷаласа натиҷаҳои фаъолияти созмонҳои мудофиавии Иттиҳоди Давлатҳои Мустақил дар самти таҷлили 80-солагии Ғалаба, инчунин омодагӣ ба таҷлили 100-солагии таъсисёи ДОСААФ – и Иттиҳоди Давлатҳои Мустақил дар соли 2027 баррасӣ гардиданд.
Ҳайати Ҷумҳурии Тоҷикистон дар ин ҷаласа таҳти роҳбарии сардори Муассисаи давлатии «Мададгори мудофиа»-и Вазорати мудофиаи Ҷумҳурии Тоҷикистон Абдулмумин Давлатзода иштирок намуд.
Иттилоъ дода шуд, ки созмонҳои мудофиавии Иттиҳоди Давлатҳои Мустақил дар сафи худ зиёда аз 9 миллион нафарро муттаҳид мекунанд. Шурои Марказии ДОСААФ-и Иттиҳоди Давлатҳои Мустақил ба кишварҳои аъзо барои ҳалли масъалаҳои тарбияи ҳарбӣ-ватандӯстӣ, тайёр намудани шаҳрвандон аз рӯйи тахассусҳои ҳарбӣ барои хизмати низомӣ дар сохторҳои миллии қудратӣ, таълим додани касбҳои оммавӣ-техникӣ, ҷалби ҷавонон ба эҷоди техникӣ ва машғулияти варзишии авиатсионӣ, техникӣ ва ҳарбӣ-амалӣ кумак мерасонад.
АКС: Маркази матбуот ва иттилооти Вазорати мудофиаи Ҷумҳурии Тоҷикистон
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
