Бахшида ба Рӯзи иттифоқҳои касабаи Тоҷикистон ҳамоиши фарҳангӣ доир карда шуд
ДУШАНБЕ, 22.10.2025. /АМИТ «Ховар»/. 21 октябр бо ташаббуси Кумитаи ҷумҳуриявии иттифоқҳои касабаи кормандони Ҳизби Халқии Демократии Тоҷикистон бахшида ба Рӯзи иттифоқҳои касабаи Тоҷикистон (24 октябр) дар Донишкадаи тиббӣ-иҷтимоии Тоҷикистон таҳти унвони «Нақши иттифоқҳои касаба дар рушди иҷтимоӣ ва иқтисодӣ» ҳамоиши сиёсию фарҳангӣ баргузор гардид. Дар ин хусус ба АМИТ «Ховар» аз Ҳизби Халқии Демократии Тоҷикистон хабар доданд.
Дар ҳамоиш муовини якуми Раиси Ҳизби Халқии Демократии Тоҷикистон Маликшо Неъматзода иброз намуд, ки иттифоқҳои касаба дар ҳимояи ҳуқуқу манфиатҳои кормандон, таҳкими ҳамкории иҷтимоӣ ва рушди иқтисодию иҷтимоии мамлакат нақши муассир мебозад.
Яке аз самтҳои афзалиятноки фаъолияти Иттифоқҳои касаба- ин амалӣ намудани назорати ҷамъиятӣ дар самти риоя ва иҷрои талаботи санадҳои меъёрию ҳуқуқӣ оид ба танзими муносибатҳои меҳнатӣ, ҳифзи манфиатҳои иҷтимоии кормандон ва аҳли оилаи онҳо, бархурдор гардидани кормандон аз ваколатҳои иҷтимоӣ мебошад, ки онро санадҳои меъёрию ҳуқуқии Ҳукумати Ҷумҳурии Тоҷикистон муқаррар намудаанд.
Таъкид шуд, ки ҳамкории самарабахши Ҳизби Халқии Демократии Тоҷикистон бо иттифоқҳои касаба ба амалӣ гардидани ҳадафҳои стратегии давлат ва ҳифзи сиёсати иҷтимоӣ мусоидат менамояд.
Дар ҳамоиш ба як зумра фаъолон медали ҷашнии Ҳизби Халқии Демократии Тоҷикистон, Сипосномаи Кумитаи иҷроияи марказӣ ва Кумитаи ҷумҳуриявии иттифоқҳои касабаи кормандони Ҳизби Халқии Демократии Тоҷикистон тақдим карда шуд.
АКС: Ҳизби Халқии Демократии Тоҷикистон
Ҳамкории ҳизбӣ байни Тоҷикистон ва Узбекистон тақвият меёбад
Тоҷикистон бо қабули қонунҳои миллӣ барои давлатҳои Осиёи Марказӣ намуна мебошад
НАҚШИ ИСТИҚЛОЛИ ДАВЛАТӢ ДАР ТАҲКИМИ ҲОКИМИЯТИ СУДӢ. Андешаҳо дар ин маврид
Кормандони соҳаи телевизион ва радио бо мукофотҳои давлатӣ сарфароз гардонида шуданд
Дар Вилояти Мухтори Кӯҳистони Бадахшон кормандони соҳаҳои гуногун бо мукофотҳои давлатӣ қадрдонӣ шуданд
Соли 2026 дар Федератсияи Русия барои бо ҷойи кор таъмин намудани шаҳрвандони Тоҷикистон беш аз 40 вохӯрӣ доир шуд
Доир ба саҳми барандагони Ҷоизаи Исмоили Сомонӣ дар рушди Тоҷикистони муосир конференсия баргузор шуд
Пешвои миллат: «Вилояти Хатлон дар таърихи давлатдории тоҷикон ҷойгоҳи махсус дорад»
ИСТИҚЛОЛИЯТИ ДАВЛАТИИ ТОҶИКИСТОН ТО АБАД УСТУВОРУ ПОЯНДА БОШАД! Тавсифҳои истиқлолият аз суханҳои пурарзиши Президенти Тоҷикистон
«РУШДИ ҲУҚУҚИ ИНСОН ДАР 35 СОЛИ СОҲИБИСТИҚЛОЛИИ ТОҶИКИСТОН». Таҳти ин унвон конференсияи байналмилалӣ доир шуд
Дар солҳои соҳибистиқлолии Тоҷикистон андозаи нафақаҳо беш аз 20 маротиба индексатсия карда шуд
35 СОЛИ ИСТИҚЛОЛ: АЗ ОЗМОИШҲОИ ТАЪРИХ ТО БУНЁДИ ПОЯҲОИ ОЯНДАИ ДУРАХШОН. Андешаҳо дар ин маврид
