Дар Донишгоҳи байналмилалии сайёҳӣ ва соҳибкории Тоҷикистон Иди Меҳргонро таҷлил намуданд
ДУШАНБЕ, 14.10.2025. /АМИТ «Ховар»/. Дар Донишгоҳи байналмилалии сайёҳӣ ва соҳибкории Тоҷикистон Иди Меҳргонро бо риояи оинҳои қадимии ин ҷашни бостонӣ таҷлил намуданд. Дар ин хусус ба АМИТ «Ховар» аз Донишгоҳи байналмилалии сайёҳӣ ва соҳибкорӣ хабар доданд.
Бахшида ба ҷашни Меҳргон дар донишгоҳ гӯшаҳои алоҳида ороста шуда, маҳсули дастранҷи деҳқонон- меваҷот, сабзавот, асал, маҳсулоти ҳунарҳои мардумӣ ва таомҳои миллӣ ба намоиш гузошта шуданд.
Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода зимни таҷлили ин ҷашни бостонии миллати тоҷик гуфт, ки Меҳргон рамзи меҳнату фаровонӣ, дӯстию эҳтиром ва ободию некӣ буда, таҷлили он аз эҳтироми мардум нисбат ба замин, об ва табиат дарак медиҳад.
Иброз гардид, ки дар даврони соҳибистиқлолии мамлакат бо ташаббусу ҳидоятҳои хирадмандонаи Президенти Ҷумҳурии Тоҷикистон муҳтарам Эмомалӣ Раҳмон Иди Меҳргон аз нав эҳё гардид. Он имрӯз ҳамчун рамзи эҳтиром ба меҳнати деҳқон ва арҷгузорӣ ба анъанаҳои миллии тоҷикон таҷлил мегардад.
Таҷлили ҷашнҳои миллӣ — Наврӯз, Меҳргон, Сада ва Тиргон дар замони истиқлолият на танҳо ба эҳёи суннатҳои ниёгон мусоидат кард, балки ҳисси ватандӯстию худшиносии миллиро дар ҷомеа тақвият бахшид.
Таҷлили Меҳргон дар Донишгоҳи байналмилалии сайёҳӣ ва соҳибкории Тоҷикистон на танҳо рамзи эҳёи суннатҳои миллӣ, балки нишонаи ҳамбастагии донишгоҳ бо сиёсати фарҳангпарваронаи давлат ва Пешвои миллат мебошад. Чунин чорабиниҳо имконият медиҳанд, ки донишҷӯён дар баробари таҳсил бо фарҳанги миллӣ, таърихи мардум ва арзишҳои маънавӣ шинос гардида, ҳисси масъулиятшиносӣ ва меҳнатдӯстиро рушд диҳанд.
АКС: Донишгоҳи байналмилалии сайёҳӣ ва соҳибкории Тоҷикистон
Тоҷикистон ва Чин оид ба тақвияти мубодилаи илмӣ, техникӣ ва гуманитарӣ Ёддошти тафоҳум имзо намуданд
35-СОЛАГИИ ИСТИҚЛОЛИ ДАВЛАТӢ. Дар шаҳри Норак ба сохтмони ду иншооти нави соҳаи маориф оғоз бахшида шуд
«ТАВОНО БУВАД, ҲАР КӢ ДОНО БУВАД». Таҳти ин унвон олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз шуд
ТАЪТИЛИ ТОБИСТОНА. Барои босамар ва шавқовар гузаштани он хонандагон ба чӣ кор бояд машғул шаванд?
Масоили густариши ҳамкории таълимӣ ва гуманитарии Тоҷикистону Русия баррасӣ шуд
Донишҷӯёни Донишкадаи политехникии шаҳри Хуҷанд дар озмуни «Беҳтарин донандаи Кодекси андоз» соҳиби ҷойҳои намоён шуданд
Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
ТАШАББУСҲОИ БАЙНАЛМИЛАЛИИ ПРЕЗИДЕНТИ ТОҶИКИСТОН. Тавассути он масъалаи об ба самти калидии рӯзномаи ҷаҳонӣ табдил гардид
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
Донишкадаи кӯҳию металлургии Тоҷикистон дар омодасозии мутахассисони соҳаи кӯҳӣ ва рушди саноат саҳми назаррас дорад
Президенти Тоҷикистон барои иҷрои босифати барномаи рушди фанҳои дақиқ дастур доданд
Дар Тоҷикистон фарогирии кӯдакон ба муассисаҳои томактабӣ тавассути рушди шаклҳои алтернативӣ зиёд мегардад
