Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
ДУШАНБЕ, 20.10.2025. /АМИТ «Ховар»/. Имрӯз Раиси Суди Олии Ҷумҳурии Тоҷикистон Рустам Мирзозода бо Раиси Комиссияи ҳуқуқи инсони Шоҳигарии Арабистони Саудӣ хонум доктор Ҳала бинти Мазид Ал-Тувайҷирӣ ва Сафири Шоҳигарии Арабистони Саудӣ дар Ҷумҳурии Тоҷикистон Валид ибни Абдураҳмон Алрешайдон вохӯрӣ намуд.
Тавре ба АМИТ «Ховар» аз Суди Олии Ҷумҳурии Тоҷикистон хабар доданд, зимни вохӯрӣ масъалаҳои рушду густариши ҳамкорӣ дар самти ҳифзи ҳуқуқи инсон, манфиатҳои оила, занону кӯдакон, пиронсолон ва маъюбон, инчунин масъалаҳои ба роҳ мондани табодули таҷриба ва омӯзиши амалияи судӣ байни низомҳои судии Ҷумҳурии Тоҷикистон ва Шоҳигарии Арабистони Саудӣ баррасӣ гардиданд.
Ҷонибҳо ба рушду тақвияти ҳамкории ҳуқуқӣ, табодули таҷрибаҳои беҳтарин дар соҳаи ҳифзи ҳуқуқу озодиҳои инсон дар шароити рақамикунонии хизматрасонии давлатӣ таваҷҷуҳи махсус зоҳир намуданд.
Бо мақсади дастрасӣ ба адолати судӣ дар шакли электронӣ, инчунин ба роҳ мондани табодули таҷриба байни низомҳои судии ду давлат ҷонибҳо барои баимзорасонии Созишномаи ҳамкорӣ таклифҳои дахлдор пешниҳод намуданд.
АКС: Суди Олии Ҷумҳурии Тоҷикистон
Дар ноҳияи Айнӣ пайомадҳои офати табиӣ бартараф мегарданд
Нахустин ҷаласаи Раёсати Шурои ҷамъиятии «Занони Тоҷикистон» баргузор шуд
Дар шаҳри Хуҷанд мавсими нави оббозӣ дар шиногоҳи соҳили дарёи Сир оғоз гардид
ОГОҲӢ! Аз 3 то 5 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Самтҳои афзалиятноки ҳамкорӣ дар соҳаи таҳсилоти касбӣ бо Намояндагии ЮНИСЕФ дар Тоҷикистон баррасӣ гардид
ҶОИЗАИ БАЙНАЛМИЛАЛИИ АБУАЛӢ ИБНИ СИНО. Нобиғае, ки аз замони худ садсолаҳо пештар меандешид
Ширкати «IRS»: «Ҳаракати нақлиёт дар роҳи Душанбе – Чаноқ таъмин аст»
ШАРБАТИ САЛОМАТӢ. Олимони тоҷик истеъмоли онро барои пешгирии бемориҳои камхунӣ, ҷоғар ва диабет тавсия медиҳанд
СИРИШТИ СИНОИИ ПЕШВОИ МИЛЛАТ. Дар ҳошияи таъсиси Ҷоизаи байналмилалии Абуалӣ ибни Сино дар соҳаи тиб
«ТОБИСТОН-2026». Дар Суғд барои шавқовар баргузор намудани истироҳати тобистонаи кӯдакон ва наврасон тадбир меандешанд
РӮЗИ БАЙНАЛМИЛАЛИИ ҲИФЗИ КӮДАКОН. Падару модар дар таълиму тарбияи кӯдак чӣ уҳдадорӣ ва ҳуқуқ доранд?
Дар Душанбе ғолибони Фестивали ҷумҳуриявии «Малакаҳои касбӣ» қадрдонӣ гардиданд
