Дар мулоқоти Прокурори генералии Тоҷикистон бо Дабири кулли СААД масоили амнияти дастҷамъӣ баррасӣ гардид
ДУШАНБЕ, 20.10.2025 /АМИТ «Ховар»/. Масъалаҳои мубрами марбут ба назорати прокурорӣ ва амнияти дастҷамъӣ дар мулоқоти Прокурори генералии Ҷумҳурии Тоҷикистон Ҳабибулло Воҳидзода бо Дабири кулли Созмони Аҳдномаи амнияти дастҷамъӣ /СААД/ Имангали Тасмагамбетов дар Душанбе баррасӣ гардиданд. Дар ин хусус АМИТ «Ховар» бо истинод ба Прокуратураи генералии Ҷумҳурии Тоҷикистон иттилоъ медиҳад.
Дар ҷараёни музокироти созанда ҷонибҳо самтҳои тақвияти ҳамкории байниидоравиро низ баррасӣ намуданд. Таваҷҷуҳи асосӣ ба масъалаҳои ҳамоҳангсозии талошҳо дар соҳаи ҳуқуқӣ ба хотири муқовимат ба таҳдидҳо ва хатарҳои умумӣ дар минтақаи амнияти дастҷамъии Осиёи Марказӣ, аз ҷумла терроризм, экстремизм ва ҷиноятҳои муташаккили фаромарзӣ равона карда шуд.
Дар мулоқот Дабири кулли Созмони Аҳдномаи амнияти дастҷамъӣ Имангали Тасмагамбетов ташаббус ва нақши муҳими Президенти Ҷумҳурии Тоҷикистон муҳтарам Эмомалӣ Раҳмонро дар қабул ва татбиқи Барномаи байнидавлатии таҳкими сарҳади Тоҷикистону Афғонистон таъкид намуд.
Инчунин ба корҳои сохтмонию созандагӣ, навсозӣ ва мустаҳкамкунии дидбонгоҳҳои сарҳадӣ дар Ҷумҳурии Тоҷикистон баҳои баланд дода шуд.
Гуфта шуд, ки таҷҳизонидан ва тақвияти сарҳади давлатии Тоҷикистону Афғонистон ба хотири татбиқи амнияти минтақавӣ вазифаи ҳар давлати Осиёи Марказӣ мебошад.
АКС: Прокуратураи генералии Ҷумҳурии Тоҷикистон
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
