ДАЪВАТИ ТИРАМОҲӢ. Ҷавонони ноҳияи Ҷалолиддини Балхӣ сарбаландона ба сафи Артиши миллӣ пайвастанд
ДУШАНБЕ, 03.10.2025. /АМИТ «Ховар»/. 1 октябр дар ноҳияи Ҷалолиддини Балхӣ ҷамъомади бошукуҳи гусели даъватшавандагон ба сафи Қувваҳои Мусаллаҳи Ҷумҳурии Тоҷикистон баргузор гардид.
Тавре аз Мақомоти иҷроияи ҳокимияти давлатии ноҳияи Ҷалолиддини Балхӣ ба АМИТ «Ховар» хабар доданд, ҷавонони ноҳия бо шиору овезаҳои ватандӯстона ва бо ифтихори баланди ватандӯстӣ барои адои хизмати ҳарбӣ изҳори омодагӣ намуданд. Онҳо аз ҷамоатҳои шаҳраку деҳоти ноҳия ба таври ихтиёрӣ ба комиссариати ҳарбӣ ҳозир шуда, азми худро барои хизмат ба Артиши миллӣ баён намуданд.
Иброз гардид, ки ҳифзи суботу амнияти мамлакат аз ҷавонони шуҷоъ, далер ва ватандӯст вобаста аст.
«Имрӯз Артиши миллӣ ба ҷавонони худогоҳу соҳибмаърифат ниёз дорад. Хизмат ба Ватан барои ҳар ҷавонмард қарзи муқаддас ва боиси ифтихор мебошад. Ҷасорат ва садоқати шумо кафолати амнияту оромии мамлакат аст», — гуфта шуд зимни маросими гусели даъватшавандагон.
Падару модарони даъватшавандагон низ ҷавононро ба иҷрои вазифаи шаҳрвандӣ ҳидоят намуда, хизмат ба Ватанро нишонаи мардонагӣ ва шарафи миллӣ арзёбӣ карданд.
Дар ҷараёни ҳамоиш ба як гурӯҳ даъватшавандагон шаҳодатномаҳои ронандагӣ тақдим гардид. Ҳамчунин бахши сабти асноди ҳолати шаҳрвандии ноҳия ба шаш ҷуфт навхонадорон шаҳодатномаи ақди никоҳ супорид.
АКС: Мақомоти иҷроияи ҳокимияти давлатии ноҳияи Ҷалолиддини Балхӣ
БА ИСТИҚБОЛИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН. Миллати тоҷбарсар ва Сарвари тамаддунофар
ПЕШВОИ МИЛЛАТ — ПУШТИБОНУ ҒАМХОРИ ЯТИМОН. Мулоҳизаҳо дар ин маврид
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
