РУШДИ САНОАТ. Дар Тоҷикистон ҳамасола зиёда аз 4,4 миллион тонна семент истеҳсол мегардад
ДУШАНБЕ, 31.10.2025. /АМИТ «Ховар»/. Тибқи маълумоти оморӣ, дар нуҳ моҳи соли равон дар Тоҷикистон беш аз 3,7 миллион тонна семент истеҳсол шудааст, ки нисбат ба ҳамин давраи соли гузашта 512,1 ҳазор тонна ё 15,8 фоиз зиёд аст. Дар умум, иқтидори солонаи корхонаҳои сементбарории ҷумҳурӣ беш аз 6 миллион тонна буда, ҳамасола зиёда аз 4,4 миллион тонна семент истеҳсол карда мешавад. Хабарнигори АМИТ «Ховар» ин мавзуъро шарҳ медиҳад.
— Дар соли 2014 дар Тоҷикистон 9 корхонаи истеҳсоли семент фаъолият мекард ва ҳамагӣ 300 ҳазор тонна семент истеҳсол мегардид. Айни замон дар ҷумҳурӣ беш аз 15 корхонаи сементбарорӣ, фаъолият дорад, ки дар муқоиса ба соли 2014 теъдоди онҳо 6 адад зиёд мебошад. Корхонаҳои сементбарорӣ бо муосиртарин дастгоҳу таҷҳизоти технологии пешрафта таъмин мебошанд.
Маҳсулоти корхонаҳои мамлакат бо талаботи стандартҳои байналмилалӣ ҷавобгӯ мебошанд. Барои истеҳсоли семент хок, оҳаксанг, магнетит, сафедхок, қуми квартсит, гаҷсанг ва ангиштсанг, дар маҷмуъ, ашёи хом дар корхонаҳо аз захираҳои табиии ватанӣ дастрас мегардад.
Дар муқоиса ба солҳои қаблӣ дар Тоҷикистон талабот ба семент зиёд гардидаст. Тибқи иттилои Агенти омори назди Президенти Ҷумҳурии Тоҷикистон дар нуҳ моҳи соли 2025 дар байни маҳсулоти истеҳсоли коркард болоравии нархи семент 9,4 фоиз ба қайд гирифта шудааст.
Президенти мамлакат муҳтарам Эмомалӣ Раҳмон 20 августи соли 2016 дар маросими ба истифода додани корхонаи нави сементбарорӣ дар ноҳияи Ёвон иброз намуданд, ки «тавассути таъсиси корхонаҳои гуногуни саноатӣ коркарди ҳарчи бештари ашёи хоми ватаниро ба роҳ монда, ба ин васила Тоҷикистонро аз кишвари аграриву саноатӣ ба мамлакати тараққикардаи саноативу аграрӣ табдил диҳем. Васеътар ба роҳ мондани истеҳсоли молу маҳсулоти воридотивазкунанда ва истифодаи имкониятҳои содиротии мамлакат иқтидори иқтисоди миллиро торафт баланд мебардорад ва ба ҳалли масъалаҳои иқтисодиву иҷтимоии мамлакат мусоидат менамояд».
Бунёд гардидани корхонаҳои нави саноатӣ барои амалӣ намудани ҳадафи чоруми миллӣ – саноатикунонии босуръати мамлкат ва таъсиси ҷойҳои нави кор заминаи устувор мегузорад.
АКС: АМИТ «Ховар»
Хадамоти алоқа: «Аз харидорӣ, насб ва истифодаи худсаронаи репитерҳои ғайристандартӣ ва бе танзими касбӣ худдорӣ намоед»
Байни Душанбе ва Минск парвозҳои мустақими ҳавоӣ оғоз мегарданд
Тоҷикистон лоиҳаи «Харитаи роҳ»-ро оид ба татбиқи Стратегияи рақамикунонии долонҳои асосии нақлиётии мултимодалии ИДМ муаррифӣ намуд
Дар ноҳияи Ҷаббор Расулов парвариши пахта ва ҷамъоварии ҳосили пиёз идома дорад
ИМРӮЗ — РӮЗИ КОРМАНДОНИ СОҲАИ СОХТМОН. Меъмории миллӣ ба ташаккули симои нави шаҳрҳо ва муҳити зисти муносиб мусоидат менамояд
Дар ноҳияи Ҷалолиддини Балхӣ ҳаҷми истеҳсоли маҳсулоти саноатӣ ба 149,6 миллион сомонӣ расид
Ҳаҷми умумии маблағгузории сармоя дар ноҳияи Хуросон ба зиёда аз 337 миллион сомонӣ расонида шуд
Ташаббусҳои глобалии Тоҷикистон дар масъалаи обу иқлим дар муколамаи ҷавонон баррасӣ шуданд
Сулаймон Зиёзода дар ноҳияи Спитамен бо вазъи соҳаҳои пахтакорӣ, боғдорӣ ва токпарварӣ шинос гардид
Ҷаласаи 21-уми Кумитаи ҳамоҳангсоз оид ба содагардонии расмиёти савдо доир шуд
Дар вилояти Хатлон имконоти ҳамкорӣ дар самти бунёди неругоҳҳои барқӣ баррасӣ гардид
РУШДИ СОҲАИ КИШОВАРЗӢ ДАР 35 СОЛИ ИСТИҚЛОЛИЯТИ ДАВЛАТӢ. Ҳаҷми умумии маҳсулоти кишоварзӣ 3,7 баробар афзоиш ёфтааст
