Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
ДУШАНБЕ, 09.10.2025. /АМИТ «Ховар»/. Имрӯз Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода бо ваколатдор оид ба ҳуқуқи инсон дар Федератсияи Русия Татяна Москалкова мулоқот намуд. Дар ин хусус ба АМИТ «Ховар» аз Маҷлиси намояндагон хабар доданд.
Файзалӣ Идизода баён дошт, ки ташкили ниҳоди умумибашарии ҳифзи ҳуқуқ ва озодиҳои инсон — Ваколатдор оид ба ҳуқуқи инсон далели роҳи устувори демократии рушди давлатҳо мебошад.
Гуфта шуд, ки Институти омбудсмен, ки соли 2008 таъсис ёфта, дар пайи он дар давлати мо Ваколатдор оид ба ҳуқуқи кӯдак ташкил шуд, дар ҷараёни ислоҳоти ҳуқуқӣ самаранокии худро нишон медиҳад.
«Мутобиқи қонунгузории Тоҷикистон фаъолияти ин ниҳод ба таҳкими кафолатҳои конститутсионӣ барои ҳифзи давлатии ҳуқуқу озодиҳои инсону шаҳрванд ва мусоидат ба риояи онҳо равона гардидааст», — гуфт Файзалӣ Идизода.
Иброз гардид, ки рушд ва таҳкими муносибатҳои стратегӣ байни давлатҳоямон аз фаъолияти босамари парламентҳо, робитаҳо байни идораҳо ва ниҳодҳои соҳавӣ, ба роҳ мондани ҳамкорӣ ва тасвиби шартномаҳои байналмилалӣ вобаста аст. Дар ин замина Парламенти Тоҷикистон дар пешрафти раванди ҳамкории дуҷониба саҳми муносиб мегузорад.
АКС: Маҷлиси намояндагони Маҷлиси Олии Ҷумҳурии Тоҷикистон
Раиси Маҷлиси намояндагони Тоҷикистон бо Раиси Жогорку Кенеши Қирғизистон вохӯрӣ намуд
Ҳайати Тоҷикистон дар ҷаласаи 152-юми Иттиҳоди байнипарламентӣ ва иҷлосияи ҳамоҳангсози Ассамблеяи парламентии Осиё иштирок менамояд
Ҷаласаи навбатии иҷлосияи дуюми Маҷлиси намояндагони Маҷлиси Олӣ, даъвати ҳафтум баргузор гардид
ДУШАНБЕ — НИГИНИ КИШВАРИ ОФТОБИИ ТОҶИКОН. Ба Рӯзи пойтахти Тоҷикистон бахшида мешавад
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Дар Душанбе масъалаҳои таълиму тарбия, сифати таҳсил ва гузариш ба низоми 12-солаи таълим баррасӣ гардиданд
Ҳамкории Тоҷикистон ва Иттиҳоди Аврупо дар самти такмили низоми идоракунии молияи давлатӣ густариш меёбад
Дар Душанбе тавсияҳои Кумитаи СММ оид ба бартараф намудани ҳама гуна ҳуқуқпоймолкунӣ нисбат ба занон муҳокима гардид
Ҷаласаи навбатии иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон баргузор гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
