Хонандагони Хуҷанд ба омӯзиши нозукиҳои илми робототехника ва зеҳни сунъӣ фаро гирифта шуданд
ДУШАНБЕ, 11.10.2025 /АМИТ «Ховар»/. Аз 6 то 10 октябр дар Литсейи инноватсионии «Ҷавонӣ»-и шаҳри Хуҷанд бо ҷалби мутахасисони варзидаи хориҷӣ оид ба азхудкунии нозукиҳои илми робототехника ва зеҳни сунъӣ (AI) машварати омӯзишии сатҳи байналмилалӣ баргузор гардид. Дар ин хусус ба АМИТ «Ховар» аз дафтари матбуоти Раиси шаҳри Хуҷанд хабар доданд.
Машварат дар асоси қарордоди ҳамкорӣ бо Мактаби байналмилалии робототехникии «Роботек» -и Ҷумҳурии Қазоқистон ва Литсейи инноватсионии «Ҷавонӣ» дар шаҳри Хуҷанд доир гардид.
Дар ин чорабинии муҳими таълимӣ беш аз 20 хонандаи Литсейи инноватсионии «Ҷавонӣ» ва омӯзгорон иштирок намуданд.
Тибқи иттилои директори Литсейи инноватсионии «Ҷавонӣ» дар шаҳри Хуҷанд Сурайёхон Неъматзода, омодасозии хонандагон барои иштирок дар олимпиадаҳои сатҳи ҷаҳонӣ ва байналмилалӣ дар самти робототехника ва зеҳни сунъӣ (AI) аз ҳадафҳои асосии машварати омӯзишӣ буд.
Дар соли таҳсили 2025-2026 дар давлатҳои Италия, Амрико, Сингапур ва Қазоқистон баргузории олимпиадаҳои сатҳи ҷаҳонӣ ва байналмиллалӣ оид ба робототехника дар назар дошта шудааст.
Машварат ба баланд бардоштани савияи дониш ва малакаҳои амалӣ равона гардида, тафаккури техникӣ ва эҷодии хонандагонро рушд медиҳад.
Ин машварат иқдоми муҳим дар самти татбиқи «Барномаи давлатии рушди фанҳои дақиқ, табиатшиносӣ ва риёзӣ дар соҳаи илму маориф барои солҳои 2020–2040» мебошад.
АКС: Дафтари матбуоти Раиси шаҳри Хуҷанд
Корманди Донишгоҳи давлатии омӯзгории Тоҷикистон соҳиби ҷоизаи «Мутахассиси муносибатҳои байналмилалии сол –2025» гардид
Ғолибони «Ҷоми раёсати Донишгоҳи байналмилалии сайёҳӣ ва соҳибкории Тоҷикистон» муайян гардиданд
Дар Донишгоҳи техникии Тоҷикистон оид ба шарҳи Паёми Президенти Тоҷикистон ба Маҷлиси Олӣ ҳамоиш доир шуд
Дар Донишгоҳи давлатии Бохтар татбиқи технологияҳои муосири рақамӣ ва алгоритмҳои зеҳни сунъӣ баррасӣ гардид
Қабули Қонуни Ҷумҳурии Тоҷикистон «Дар бораи мақоми омӯзгор» рамзи эҳтиром ба заҳмати омӯзгор аст
Дар Донишгоҳи давлатии Кӯлоб бахшида ба Паёми Президенти Тоҷикистон ба Маҷлиси Олӣ ҳамоиш баргузор шуд
ҚОНУН «ДАР БОРАИ МАҚОМИ ОМӮЗГОР». Қабули он далели таваҷҷуҳи рӯзафзуни Ҳукумати Тоҷикистон нисбат ба тарбиятгарони насли наврас аст
Дар Донишгоҳи байналмилалии сайёҳӣ ва соҳибкории Тоҷикистон олимпиадаи хонандагони синфҳои 11 оғоз гардид
ТАВАҶҶУҲИ ХОССА БА СОҲАИ МАОРИФ ДАР ПАЁМИ ПРЕЗИДЕНТИ ҶУМҲУРИИ ТОҶИКИСТОН. Андешаҳо дар мавриди самтҳои асосии ин соҳаи муҳим
Густариши ҳамкории илмии Донишгоҳи давлатии ҳуқуқ, бизнес ва сиёсати Тоҷикистон бо донишгоҳҳои Корея баррасӣ шуд
Байни Маркази ҷумҳуриявии дарёфт ва рушди истеъдодҳо ва ширкати академии «Bright»-и Шоҳигарии Камбоҷа Ёддошти тафоҳум имзо гардид
НИЗОМИ ДУВОЗДАҲСОЛАИ ТАЪЛИМ. Дар Тоҷикистон барои гузариш ба он омодагӣ мебинанд
