«ИЛМ — ФУРӮҒИ МАЪРИФАТ». 13 довталаб аз Донишгоҳи техникии Тоҷикистон ба даври ҷумҳуриявии озмун роҳхат гирифт
ДУШАНБЕ, 01.10.2025. /АМИТ «Ховар»/. Дар даври шаҳрии Озмуни ҷумҳуриявии «Илм – фурӯғи маърифат» 13 нафар довталабон аз Донишгоҳи техникии Тоҷикистон ба номи академик Муҳаммад Осимӣ сазовори ҷойҳои ифтихорӣ гардиданд. Дар ин хусус ба АМИТ «Ховар» аз Донишгоҳи техникии Тоҷикистон хабар доданд.
Даври шаҳрии озмун бо ибтикори Мақомоти иҷроияи ҳокимияти давлатии шаҳри Душанбе дар сатҳи баланд ва бо иштироки фаъолонаи довталабон баргузор гардид. Дар он 5 омӯзгор, 1 докторанти PhD ва 15 донишҷӯи Донишгоҳи техникии Тоҷикистон дониш ва маҳорат санҷиданд. Аз байни онҳо 13 нафар сазовори ҷойҳои ифтихорӣ дониста шуда, ба даври ҷумҳуриявии озмун роҳ ёфтанд.
Озмуни ҷумҳуриявии «Илм-фурӯғи маърифат» ба густариши тафаккури илмӣ-техникӣ, тавсеаи ҷаҳонбинии илмӣ, баланд бардоштани завқи навоварию ихтироъкорӣ ва пайвастани илм бо истеҳсолот равона гардидааст. Ҳамзамон он муҳити созгорро барои ҷалби хонандагону донишҷӯён ба омӯзиши фанҳои риёзӣ ва дақиқ фароҳам оварда, дар кашф ва дастгирии истеъдодҳои ҷавон саҳми назаррас мегузорад.
Ёдовар мешавем, ки Озмуни ҷумҳуриявии «Илм-фурӯғи маърифат» бо ташаббуси Президенти Ҷумҳурии Тоҷикистон муҳтарам Эмомалӣ Раҳмон ҳамасола бо мақсади татбиқи амалии «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (2020-2040) баргузор мегардад.
АКС: Донишгоҳи техникии Тоҷикистон ба номи академик Муҳаммад Осимӣ
Дар Донишгоҳи давлатии Хоруғ Маркази таълимии «Иқтисоди сабз» таъсис дода шуд
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
1 ноябр хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Имрӯз даври ниҳоии Озмуни ҷумҳуриявии «Илм–фурӯғи маърифат» оғоз мегардад
Ҷаласаи ситоди даври чоруми Озмуни ҷумҳуриявии «Илм – фурӯғи маърифат» баргузор гардид
Дар Донишгоҳи технологии Тоҷикистон раванди озмоишии модулҳои таълимии лоиҳаи Донишгоҳи кушодаи инноватсияҳо дар озуқаворӣ гузаронида шуд
Дар Донишгоҳи давлатии Кӯлоб дар мавзуи масъалаҳои мубрами забоншиносӣ ва тарҷумашиносӣ конференсияи байналмилалӣ баргузор шуд
Дар Академияи идоракунии давлатӣ барномаҳои стипендиявии Лаҳистон муаррифӣ гардиданд
Дар Донишгоҳи технологии Тоҷикистон татбиқи лоиҳаҳоии CirculEC ва OFINU баррасӣ шуд
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Байни Донишгоҳи давлатии омӯзгории Тоҷикистон ва Донишгоҳи миллии илмҳои компютерӣ ва рушдёбандаи Покистон созишномаи ҳамкорӣ ба имзо расид
Академияи идоракунии давлатии Тоҷикистон бо ширкати «Really English»-и Британия ҳамкорӣ менамояд
