Кумитаи давлатии идораи замин ва геодезии Тоҷикистон ва Хадамоти федералии бақайдгирии давлатӣ, кадастр ва харитасозии Русия созишномаи ҳамкорӣ имзо намуданд
ДУШАНБЕ, 13.10.2025 /АМИТ «Ховар»/. Дар доираи сафари Президенти Федератсияи Русия Владимир Путин ба Ҷумҳурии Тоҷикистон байни Кумитаи давлатии идораи замин ва геодезии Ҷумҳурии Тоҷикистон ва Хадамоти федералии бақайдгирии давлатӣ, кадастр ва харитасозии Федератсияи Русия («Росреестр») Созишнома оид ба ҳамкорӣ бо мақсадҳои рушд ва ғанӣ гардонидани Геопортали инфрасохтори маълумоти фазоии кишварҳои аъзои Иттиҳоди Давлатҳои Мустақил ба имзо расид. Дар ин хусус ба АМИТ «Ховар» аз Кумитаи давлатии идораи замин ва геодезӣ хабар доданд.
Созишнома 9 октябр дар ҳузур ва бо иштироки сарони давлатҳои Тоҷикистон ва Русия ба имзо расонида шуд.
Мақсади асосии имзои созишнома мусоидат ба рушди Геопортали инфрасохтори маълумоти фазоии кишварҳои аъзои Иттиҳоди Давлатҳои Мустақил, инчунин мубодилаи маълумоти фазоӣ ва дигар маълумоти ошкоро мебошад.
Дар доираи ин созишнома баргузории чорабиниҳо бо мақсади рушди минбаъдаи Геопортал ба нақша гирифта шудааст.
Бояд гуфт, ки Геопортали Иттиҳоди Давлатҳои Мустақил — ин низоми иттилоотие аст, ки намоиш, ҷустуҷӯ ва пешниҳоди иттилооти фазоиро ба манфиати шаҳрвандон, соҳибкорон ва мақомоти давлатӣ таъмин мекунад. Он инчунин барои дастрасӣ ба чор хизмати электронӣ ҷиҳати ҳалли вазъияти мушаххаси зиндагӣ дар соҳаҳои туризм, маориф, сармоягузорӣ ва шуғл шароит фароҳам менамояд.
АКС: АМИТ «Ховар»
НИШАСТИ МАТБУОТӢ. Ноҳияи Вахш ба хориҷи Тоҷикистон маҳсулоти кишоварзӣ содирот менамояд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мир Сайид Алии Ҳамадонӣ зеристгоҳи нави барқии 110/35/10 кВ ба истифода дода мешавад
НИШАСТИ МАТБУОТӢ. Дар Хатлон маҷмуи маҳсулоти минтақавӣ ба 19,9 миллиард сомонӣ баробар шуд
Вазирони оби кишварҳои Осиёи Марказӣ масъалаҳои идоракунии захираҳои обиро баррасӣ намуданд
Хадамоти алоқа: «Аз харидорӣ, насб ва истифодаи худсаронаи репитерҳои ғайристандартӣ ва бе танзими касбӣ худдорӣ намоед»
Байни Душанбе ва Минск парвозҳои мустақими ҳавоӣ оғоз мегарданд
Тоҷикистон лоиҳаи «Харитаи роҳ»-ро оид ба татбиқи Стратегияи рақамикунонии долонҳои асосии нақлиётии мултимодалии ИДМ муаррифӣ намуд
Дар ноҳияи Ҷаббор Расулов парвариши пахта ва ҷамъоварии ҳосили пиёз идома дорад
ИМРӮЗ — РӮЗИ КОРМАНДОНИ СОҲАИ СОХТМОН. Меъмории миллӣ ба ташаккули симои нави шаҳрҳо ва муҳити зисти муносиб мусоидат менамояд
Дар ноҳияи Ҷалолиддини Балхӣ ҳаҷми истеҳсоли маҳсулоти саноатӣ ба 149,6 миллион сомонӣ расид
Ҳаҷми умумии маблағгузории сармоя дар ноҳияи Хуросон ба зиёда аз 337 миллион сомонӣ расонида шуд
Ташаббусҳои глобалии Тоҷикистон дар масъалаи обу иқлим дар муколамаи ҷавонон баррасӣ шуданд
