Намояндаи Тоҷикистон дар ҷаласаи Ассотсиатсияи байналмилалии рушд дар Амрико иштирок намуд
ДУШАНБЕ, 21.10.2025 /АМИТ «Ховар»/. 19 октябр дар шаҳри Вашингтони Иёлоти Муттаҳидаи Амрико дар доираи ҷаласаҳои солонаи Бонки ҷаҳонӣ ва Хазинаи байналмилалии асъор таҳти унвони «Пойдории молиявии дарозмуддати IDA: пайомадҳо ва имконот» ҷаласаи Ассотсиатсияи байналмилалии рушд (IDA) баргузор шуд, ки дар он муовини якуми Вазири молияи Ҷумҳурии Тоҷикистон Юсуф Маҷидӣ иштирок намуд.
Тавре АМИТ «Ховар» бо истинод ба Вазорати молияи ҷумҳурӣ хабар медиҳад, дар ҷаласа масъалаҳо вобаста ба тавозуни ҳаҷми маблағгузории имтиёзнок ва аҳамияти дастгирии доимии донорҳо мавриди баррасӣ қарор дода шуданд. Таъкид гардид, ки пойдории молиявии IDA шарти зарурии идомаи дастрасии мамлакатҳои рӯ ба тараққӣ ба маблағгузории имтиёзнок мебошад.
Муовини якуми Вазири молияи Ҷумҳурии Тоҷикистон зимни суханронӣ омодагии Тоҷикистонро барои ҳамкорӣ ва истифодаи воситаҳои маблағгузории «сабз», дастгирии сармоягузории иҷтимоӣ ва таҳкими иқтидор таъкид намуд.
Дар фарҷоми ҷаласа изҳороти муштараки намояндагони давлатҳои аъзои ассотсиатсия қабул карда шуд. Дар он масъалаҳои ҳифзи имтиёзнокӣ, вусъати дастгирии донорҳо ва истифодаи имконияти инноватсионии маблағгузорӣ барои ҳифзи натиҷаҳои рушд дарҷ шудаанд.
АКС: Вазорати молияи Ҷумҳурии Тоҷикистон
Оид ба тақвияти ҳамкории Тоҷикистон ва Қазоқистон дар соҳаи геология Ёддошти тафоҳум оид ба ҳамкорӣ ба имзо расид
Густариши ҳамкории Тоҷикистон ва Чин дар соҳаи меъморию сохтмон баррасӣ гардид
Байни Тоҷикистон ва Қазоқистон Харитаи роҳ оид ба тақвияти минбаъдаи ҳамкорӣ дар соҳаи кишоварзӣ ба имзо расид
Дар Мамнуъгоҳи давлатии «Зоркӯл» камераҳои аксбардории худкор насб карда шуданд
Дар ноҳияи Данғара татбиқи технологияҳои инноватсионии парвариши зироат дар заминҳои лалмӣ баррасӣ гардид
Дар Душанбе картошкаи калонтарин ба намоиш-фурӯш гузошта шуд
Байни Тоҷикистон ва Қазоқистон Созишномаи қолабӣ оид ба ҳамкорӣ дар самти таҳвили маҳсулоти нафтӣ ба имзо расид
Ҳайати Тоҷикистон дар Конфронси ваколатдори Иттиҳоди байналмилалии телекоммуникатсия иштирок дорад
Дар Душанбе форум ва конфронси байналмилалии зиддикоррупсионӣ доир мегарданд
Ҳаҷми умумии қарзҳои додашуда дар Тоҷикистон 25,5 фоиз зиёд гардидааст
Ширкатҳои Тоҷикистон ҳамкориро бо соҳибкорони Ҷопон таҳким мебахшанд
Байни Тоҷикистон ва Қазоқистон Созишнома дар бораи ҳамкории иттилоотӣ дар соҳаи таъминоти нафақа ба имзо расид
