Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
ДУШАНБЕ, 17.10.2025 /АМИТ «Ховар»/. 15-16 октябр дар шаҳри Давҳаи Давлати Қатар Конфронси шашуми вазирони меҳнати кишварҳои аъзои Созмони ҳамкории исломӣ баргузор гардид, ки дар кори он Вазири меҳнат, муҳоҷират ва шуғли аҳолии Ҷумҳурии Тоҷикистон Солеҳа Холмаҳмадзода иштирок ва суханронӣ намуд. Дар ин хусус ба АМИТ «Ховар» аз Вазорати меҳнат, муҳоҷират ва шуғли аҳолӣ хабар доданд.
Дар конфронс вазирони меҳнат ва роҳбарони ҳайатҳои давлатҳои аъзо, инчунин намояндагони ташкилоти минтақавӣ ва байналмилалӣ, коршиносон, олимон ва намояндагони ҷомеаи шаҳрвандӣ иштирок карданд.
Дар конфронс масъалаҳои густариши ҳамкорӣ ва ҳамоҳангсозии муштарак байни кишварҳои аъзо ва тақвият бахшидан ба ҳамгироӣ ва таҳкими сиёсати меҳнатӣ байни ниҳодҳо ва сохторҳои аъзои ин Созмон, сабабҳои бекорӣ дар байни аҳолӣ, бахусус ҷавонон, рушди малакаҳои касбӣ мувофиқи талаботи бозори меҳнат, мусоидат ба меҳнати арзанда ва ноил шудан ба рушди устувор баррасӣ гардиданд.
Дар доираи конфронс Солеҳа Холмаҳмадзода бо вазири рушди идорӣ, меҳнат ва умури иҷтимоии Давлати Қатар Алӣ Бин ал-Маррӣ мулоқот анҷом дод. Ҷонибҳо оид ба раванди татбиқи «Созишнома байни Ҳукумати Ҷумҳурии Тоҷикистон ва Ҳукумати Давлати Қатар оид ба танзими қувваи корӣ дар Давлати Қатар» аз 3 феврали соли 2019 ибрози назар карда, аз фароҳам будани заминаҳои меъёрии ҳуқуқӣ барои рушди ҳамкорӣ ёдовар шуданд.
Аз ҷониби Вазири меҳнат, муҳоҷират ва шуғли аҳолии Ҷумҳурии Тоҷикистон Солеҳа Холмаҳмадзода вазъи ҳамкорӣ дар самти танзими қувваи корӣ баён шуда, барои таҳкими ҳамкорӣ пешниҳодҳо манзур гардиданд.
АКС: Вазорати меҳнат, муҳоҷират ва шуғли аҳолии Ҷумҳурии Тоҷикистон
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
