Сарони давлатҳо қарорро дар бораи таъсиси қолаби нав бо номи «ИДМ плюс» имзо карданд
ДУШАНБЕ, 10.10.2025. /АМИТ «Ховар»/. Имрӯз зимни нишасти матбуотӣ аз рӯйи натиҷаҳои ҷаласаи Шурои сарони кишварҳои аъзои Иттиҳоди Давлатҳои Мустақил (ИДМ), Вазири корҳои хориҷии Ҷумҳурии Тоҷикистон Сироҷиддин Муҳриддин ба намояндагони воситаҳои ахбори омма иттилоъ дод, ки сарони давлатҳо қарорҳоро дар бораи таъсиси қолаби нав бо номи «ИДМ плюс» ва додани мақоми нозир ба Созмони ҳамкории Шанхай дар назди ИДМ имзо карданд.
Сироҷиддин Муҳриддин изҳори итминон намуд, ки «ин тасмимҳо ба фаъолияти байналмилалии Созмон мусоидат карда, обру ва намояндагии онро дар арсаи байналмилалӣ баланд мебаранд».
Иброз гардид, ки иштироккунандагони ҷаласаи Шурои сарони кишварҳои аъзои ИДМ ба масъалаҳои рушди минбаъдаи ҳамкории иқтисодӣ таваҷҷуҳи бештар зоҳир намуданд.
«Дар соли раёсати Тоҷикистон марҳилаи дуюми Барномаи чорабиниҳо оид ба татбиқи Стратегияи рушди иқтисодӣ мувофиқа ва қабул гардид. Созишномаи байниҳукуматӣ дар бораи рушди саноати вазнини мошинсозӣ ба имзо расид, ки бо ташаббуси Тоҷикистон амалӣ гардид. Инчунин дар бахши энергетика дар доираи ҷаласаи сарони кишварҳои ИДМ Эъломия оид ба ҳамкорӣ дар таъмини амнияти энергетикии минтақа қабул гардид», — тазаккур дод Сироҷиддин Муҳриддин.
Ҳамзамон Вазири корҳои хориҷӣ таъкид намуд, ки дар соҳаи нақлиёт бо ташаббуси Тоҷикистон «Стратегияи рақамикунонии долонҳои асосии нақлиётии мултимодалии давлатҳои аъзои ИДМ» таҳия карда шуд.
Зарангези ЛАТИФ,
АМИТ «Ховар»
АКС: АМИТ «Ховар»
Таҳти раёсати Тоҷикистон ҷаласаи 108-уми Шурои иқтисодии Иттиҳоди Давлатҳои Мустақил баргузор гардид
Имрӯз дар ноҳияҳои алоҳидаи кӯҳии Тоҷикистон бориши борон ва барф дар назар аст
Доир ба пешгирии кирдорҳои коррупсионӣ конференсияи байналмилалӣ баргузор шуд
Сардори Раёсати робитаҳои байналмилалии Донишкадаи давлатии фарҳанг ва санъати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Орзуи миллионер шудан бо ZET-MOBILE воқеӣ аст
Дар Донишкадаи байналмилалии Хуҷанди Донишгоҳи байналмилалии сайёҳӣ ва соҳибкории Тоҷикистон сохтмони биноҳои нави таълимӣ оғоз шуд
Баланд бардоштани сатҳи таълиму тарбия дар Коллеҷи технологии Конибодом баррасӣ гардид
IRS: Ҳаракати тамоми намуди нақлиёт дар роҳи мошингарди Душанбе-Чанок таъмин аст
ИСТИФОДАИ САМАРАНОКИ ЗАМИН. Беш аз 300 гектар замини ноҳияи Айнӣ ба гардиши кишт ворид карда мешавад
Имрӯз дар Тоҷикистон борон ва барф меборад
Оид ба робитаи фалсафа бо зеҳни сунъӣ машварат баргузор шуд
Бахшида ба Рӯзи ҳуқуқи инсон дар Маркази тадқиқоти стратегӣ конфронс доир шуд
