Сарвари давлат: «Содироти маҳсулоти кишоварзӣ ба хориҷи Тоҷикистон солҳои охир рӯ ба афзоиш дорад»
ДУШАНБЕ, 15.10.2025. /АМИТ «Ховар»/. Содироти маҳсулоти кишоварзӣ, хусусан сабзавоту меваҷот ба хориҷи мамлакат солҳои охир тамоюли афзоиш касб намудааст. Ин матлабро 14 октябр зимни суханронӣ дар Форуми байналмилалии сармоягузории «Душанбе Инвест-2025» Президенти Ҷумҳурии Тоҷикистон муҳтарам Эмомалӣ Раҳмон баён доштанд.
Иттилоъ дода шуд, ки Тоҷикистон дорои ҳамагӣ 1 миллион гектар замини корам ва боғҳо, аз он 712 ҳазор гектар замини обӣ мебошад. Бо назардошти ҳамасола 2,5 фоиз афзоиш ёфтани аҳолӣ ва ба 10,7 миллион нафар расидани аҳолии мамлакат аз ин миқдор замин бо гирифтани 2-3 ҳосил, яъне самаранок истифода бурдани ҳар қитъа замин амнияти озуқавории мамлакат бо маҳсулоти асосии ғизоии истеҳсоли ватанӣ, аз ҷумла картошка, гӯшт, тухми паранда, сабзавот ва меваҷот пурра таъмин гардида, таъминот бо биринҷ ба 90 фоиз расонида шудааст.
Сарвари давлат пайваста дар суханрониҳо таъкид менамоянд, ки барои пурраю самаранок истифода намудани заминҳои корам ва баланд бардоштани ҳосилнокии зироат бояд тадбирҳои мунтазам андешида шаванд. Ҳар қитъа замини корам бояд самаранок истифода бурда шавад, вагарна дар шароити афзоиши мунтазами аҳолӣ ва торафт зиёд гардидани талабот ба маводи ғизоӣ мо ба фаровонии маҳсулот ва коҳиш додани нархи он дар бозорҳо муваффақ шуда наметавонем. Фаромӯш набояд кард, ки аз заминҳои обӣ дар як сол то се ҳосил гирифтан мумкин аст.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Пагоҳ дар Душанбе Форуми соҳибкории «Тоҷикистон, ба пеш!» оғоз меёбад
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
Дурнамои тақвияти ҳамкории Тоҷикистон ва Австрия баррасӣ гардид
Сардори Хадамоти зиддиинҳисории Тоҷикистон дар ҷаласаи Шурои машваратӣ оид ба ҳимояи ҳуқуқи истеъмолкунандагон иштирок намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Ширкати ҳавопаймоии «Shohin Airlines» ва «Turkish Airlines» Ёддошти тафоҳум ба имзо расониданд
Маҳсулоти кишоварзии Тоҷикистон бо сифати аъло дар бозорҳои хориҷӣ мавқеи муносиб пайдо кардааст
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Дар Душанбе истифодаи таҷрибаи пешқадами байналмилалӣ дар соҳаи кишоварзӣ баррасӣ гардид
Дар Душанбе ҷаласаи 10-уми Гурӯҳи кории махсуси СҲШ оид ба мусоидат ба сармоягузорӣ доир гардид
Дар вилояти Суғд зеристгоҳи барқии «Ёва» бо иқтидори 110/35/10 кВ ба истифода дода мешавад
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
