Табибони тоҷик дар шаҳри Москваи Федератсияи Русия фаъолияти назаррас доранд
ДУШАНБЕ, 06.10.2025. /АМИТ «Ховар»/. Ҳамкории Тоҷикистону Русия дар соҳаи тандурустӣ ва ҳифзи иҷтимоии аҳолӣ тақвият ёфта, дар доираи он табибони тоҷик дар Федератсияи Русия фаъолияти назаррас доранд. Аз ҷумла, 8 табиби соҳибтахассуси тоҷик дар клиникаи маъруфи дандонпизишкии «Сити-Смайл»-и шаҳри Москва ба беморон кумаки тиббӣ мерасонанд. Дар ин хусус мухбири махсуси АМИТ «Ховар» дар Федератсияи Русия хабар медиҳад.
Онҳо таҳсили тиббиро дар донишгоҳҳои Тоҷикистон гирифта, имрӯз дар қатори беҳтарин дандонпизишкони шаҳри Москваи Федератсияи Русия қарор доранд. Табибони тоҷик дар самтҳои гуногуни дандондармонӣ таҷриба ва малакаи пешрафта доранд.
Ба иттилои масъулини клиника, табибони тоҷик бо меҳнати содиқона, ахлоқи ҳамида ва муносибати нек бо беморон эътимоди баланди мизоҷонро ба даст овардаанд.
Нақши чунин табибон дар баланд бардоштани обрӯи Тоҷикистон дар арсаи байналмилалӣ шоёни таҳсин аст.
Онҳо бо фаъолияти хуб на танҳо дар рушди соҳаи тиб саҳм мегузоранд, балки номи тоҷиконро дар хориҷи мамлакат низ бо ифтихор муаррифӣ менамоянд.
Ёдовар мешавем, ки дар доираи “Барномаи маҷмуии давлатии тайёр намудани кадрҳои низоми ҳифзи иҷтимоии аҳолӣ барои давраи то соли 2030” дар Тоҷикистон мутахассисони баландихтисоси соҳаи тандурустӣ омода мегарданд. Онҳо на танҳо дар ҷумҳурӣ, балки дар мамлакатҳои гуногуни дунё фаъолият дошта, обрӯю нуфузи Ватан ва миллати тоҷикро баланд мебардоранд.
АКС: АМИТ «Ховар»
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
