35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Айнӣ шумораи муассисаҳои соҳаи маориф меафзояд
ДУШАНБЕ, 16.11.2025 /АМИТ «Ховар»/. Бахшида ба 35-солагии Истиқлолияти давлатии Ҷумҳурии Тоҷикистон дар деҳаи Такфони деҳоти Айнии ноҳияи Айнӣ кӯдакистон барои 80 нафар, Муассисаи таҳсилоти миёнаи умумии №9 ва бунёди чанд иншооти таъйиноти гуногун, бомаром идома дорад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Айнӣ иттилоъ медиҳад.
Дар деҳаи Такфон 3 иншооти муҳим — бунгоҳи тиббӣ, кӯдакистон барои 80 нафар ва Муассисаи таҳсилоти миёнаи умумии №9 бо дастгирии ҶДММ «Ширкати металлургии Анзоб» мавриди навсозӣ қарор доранд.
Бояд гуфт, ки дар ноҳияи Айнӣ бахшида ба 35-солагии Истиқлолияти давлатӣ сохтмони 10 муассисаи таҳсилоти миёнаи умумӣ ва муассисаи таълимии томактабӣ ба нақша гирифта шудааст. Аз ҷумла, дар шаҳраки Зарафшон-2, деҳаҳои Ревад, Фатмев, Ғаберуд, Похут, Томин ва Урметан сохтмони муассисаҳои нави таълимӣ оғоз шудааст.
Ёдовар мешавем, ки дар ноҳия соли гузашта ва дар нуҳ моҳи соли равон сохтмони 3 муассисаи таълимӣ, синфхонаҳои иловагӣ дар назди 4 муассиса 6 муассисаи томактабӣ ба анҷом расид. Илова бар ин, 4 майдончаи варзишии назди муассисаҳои таълимӣ навсозӣ гардид.
Ҳамчунин, дар деҳаи Ғаберуди деҳоти Анзоб бинои нави таълимӣ қомат афрохт. Муассиса аз таҳхона ва ду ошёна иборат буда, бо риояи талаботи муосири сохтмон сохта шудааст.
Мақомоти иҷроияи ҳокимияти давлатии ноҳияи Айнӣ тасмим гирифтааст дар ҳар деҳае, ки зиёда аз 100 хоҷагӣ дар он зиндагӣ менамояд, муассисаи таҳсилоти томактабӣ бунёд намояд. Дар ин замина дар деҳаи Томин, яке аз деҳаҳои калонтарини Ҷамоати деҳоти Айнӣ сохтмони кӯдакистони муосир оғоз гардид. Тибқи нақша, ин муассиса дуошёна буда, барои 60 кӯдак пешбинӣ гардидааст.
Иншооти нав бо тамоми шароити муосир бунёд гардида, дорои ҳуҷраҳои таълимӣ, утоқҳои хоб, толори мусиқӣ, ошхона, ҳуҷраҳои корӣ ва техникиву беҳдоштӣ хоҳад буд. Корҳои сохтмонӣ бо дастгирии мақомоти маҳаллӣ ва сокинони саховатпешаи деҳа амалӣ мегарданд.
Тавре дар Паёми Президенти Ҷумҳурии Тоҷикистон ба Маҷлиси Олӣ аз 28 декабри соли 2024 таъкид гардидааст: «дар панҷ соли оянда бо истифода аз ҳамаи сарчашмаҳои маблағгузорӣ ва бо назардошти ҳадафи гузошташуда барои фарогирии 50 фоизи кӯдакони синну соли томактабӣ бунёди 800 муассисаи таҳсилоти томактабӣ ва беш аз 1000 муассисаи таҳсилоти умумӣ бояд таъмин гардад».
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар ноҳияи Данғара 526 иншооти таъйиноти гуногун ба истифода дода шуд
Дар рӯзҳои ҷашни Наврӯз дар гардиши дараи Алмосӣ барои гӯсфанди зоти ҳисорӣ ва ангури тоифӣ муҷассама гузошта мешавад
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон корхонаҳои саноатӣ бунёд мегарданд
Муттаҳидгардонии имтиҳонҳои хатми муассисаҳои таҳсилоти миёнаи умумӣ бо дохилшавӣ ба муассисаҳои таҳсилоти олии касбӣ. Ин масъала мавриди омузиш қарор мегирад
НИШАСТИ МАТБУОТӢ. Дар муассисаҳои таълимии Тоҷикистон низоми баҳогузории 10-хола чӣ натиҷа дод?
НИШАСТИ МАТБУОТӢ. Бахшида ба 35-солагии Истиқлоли давлатӣ дар Сангвор 100 иншоот ба истифода дода мешавад
Дар Донишгоҳи давлатии Кӯлоб оид ба таҳкими ватандӯстӣ ва худшиносии миллӣ ҳамоиш доир шуд
Вазири маориф ва илми Тоҷикистон: «Низоми дувоздаҳсолаи таълим дар марҳилаи аввал ба таври пилотӣ амалӣ карда мешавад»
НИШАСТИ МАТБУОТӢ. Нақшаи чорабиниҳои 35-солагии Истиқлоли давлатӣ дар ноҳияи Фирдавсӣ 77 фоиз иҷро шуд
Хонандаи тоҷик «Ҷоми Раёсати Донишгоҳи славянии Русияю Тоҷикистон»-ро соҳиб гардид
НИШАСТИ МАТБУОТӢ. Дар Донишгоҳи давлатии Хоруғ нахустин маротиба ду Шурои диссертатсионӣ барои ҳимояи рисолаҳои илмӣ таъсис ёфт
НИШАСТИ МАТБУОТӢ. Дар самти бунёди муассисаҳои томактабӣ дар ноҳияи Шоҳмансур чӣ тадбирҳо андешида мешаванд?
