9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
ДУШАНБЕ, 26.11.2025 /АМИТ «Ховар»/. Аз 28 то 30 ноябр дар шаҳри Абузабии Амороти Муттаҳидаи Араб Мусобиқаи байналмилалии Abu Dhabi Grand Slam- 2025 оид ба намуди гӯштини ҷудо баргузор мешавад, ки дар он 9 паҳлавони шинохтаи Тоҷикистон иштирок менамоянд. Дар ин хусус ба АМИТ «Ховар» аз Федератсияи ҷудои Тоҷикистон хабар доданд.
Ба ҳайати дастаи мунтахаби Тоҷикистон 9 паҳлавони шинохта дохил аст, ки аз рӯйи 5 вазн байни мардон рақобат хоҳанд кард: Меҳрзод Сӯфиев дар вазни то 60 кило, Абӯбакр Шеров ва Муҳиддин Асадуллоев ҳарду дар вазни то 73 кило, Суннатулло Мӯсоев ва Беҳрӯзи Хоҷазода ҳарду дар вазни то 81 кило, Абдулаҳад Маҷидов, Муҳаммадҷон Абдуҷалилзода ҳарду дар вазни то 90 кило, Сомонӣ Кишваров ва Ҷаҳонгир Маҷидов ҳарду дар вазни то 100 кило дар ин мусобиқаи бонуфуз Ҷумҳурии Тоҷикистонро муаррифӣ менамоянд.
Дар Мусобиқаи байналмилалии Abu Dhabi Grand Slam- 2025 беш аз 390 варзишгар (233 мард ва 157 зан) аз 53 давлат рақобат менамоянд. Рақобатҳои инфиродӣ дар 7 вазн байни мардон ва дар 7 вазн байни занон доир мегардад.
Маблағи умумии ҷоизавии мусобиқот 154 ҳазор евроро ташкил медиҳад. Ба варзишгарон барои медали тилло 5 ҳазор евро, медали нуқра — 3 ҳазор ва нишони биринҷӣ — 1500 евро ҷоизаҳои молӣ тақдим мегардад.
Ҳамчунин варзишгарон барои беҳтар кардани мавқеашон дар феҳристи ҷаҳонӣ соҳиби имтиёзҳо мешаванд. Ғолибон 1000 имтиёз, барандагони ҷойи дуюм 700 имтиёз, ҷойи сеюм 500 имтиёз мегиранд.
Бояд гуфт, ки варзишгарони тоҷик дар мусобиқоти байналмилалии ҷудо «Abu Dhabi Grand Slam 2024», ки моҳи октябри соли 2024 дар шаҳри Абузабии Амороти Муттаҳидаи Араб баргузор шуд, се медал (як нуқра ва ду биринҷӣ) ба даст оварда буданд.
АКС аз манбаъҳои боз
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд
Душанбе мизбони мусобиқаҳои бонуфузи қитъавӣ – Ҷоми Осиё оид ба ҷудо байни наврасон ва ҷавонон-2025 мегардад
Дастаи мунтахаби Тоҷикистон дар бозии даври панҷуми марҳилаи интихобии Ҷоми Осиё-2027 дастаи Тимори Шарқиро мағлуб намуд
Дастаи наврасони Тоҷикистон (U-15) дар бозии санҷишӣ дастаи мунтахаби Русияро мағлуб кард
