Ҳайати Донишкадаи кӯҳию металлургии Тоҷикистон дар конференсияи байналмилалӣ дар Чин иштирок намуд

ДУШАНБЕ, 12.11.2025 /АМИТ «Ховар»/. Аз  6 то 8 ноябр дар  Донишгоҳи марказии ҷанубии шаҳри Чаншаи Ҷумҳурии Мардумии Чин дар мавзуи «Ҳамкорӣ ва ҳамгироии саноат, маориф, таҳқиқот ва татбиқи металлургияи зеҳнӣ» конференсияи байналмилалӣ баргузор шуд, ки дар он устодони Донишкадаи кӯҳию металлургии Тоҷикистон иштирок намуданд.

Тавре ба АМИТ «Ховар» аз ин донишкада хабар доданд, дар конференсия олимони 57 давлати ҷаҳон иштирок намуданд. Муовини ректор оид ба илм, инноватсия ва робитаҳои байналмилалии Донишкадаи кӯҳию металлургӣ Шаҳноза Раҳимова дар мавзуи «Ташаккул ва рушди саноати маъдан дар шимоли Тоҷикистон» ва мудири кафедраи металлургия ва технологияи заргарӣ Ҳаёт Раҳимзода дар мавзуи «Коркарди самараноки истеҳсоли металли сурма аз консентратҳои сулфидии сурмадор» маъруза намуданд.

Маърузаҳои устодони донишкада аз рӯи технологияи ихтироънамудаашон пешниҳод шуда, аз тарафи олимони сатҳи ҷаҳонӣ баҳои хубро соҳиб гардиданд.

АКС: Донишкадаи кӯҳию металлургии Тоҷикистон