Ҳамкории илмӣ ва таълимии Тоҷикистон ва Донишгоҳи Реҷенти Лондон таҳким меёбанд
ДУШАНБЕ, 06.11.2025 /АМИТ «Ховар»/. Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода ва дигар роҳбарони муассисаҳои таҳсилоти олии касбии Ҷумҳурии Тоҷикистон бо намояндагони ваколатдори Донишгоҳи Реҷенти Лондон мулоқот намуданд. Дар ин хусу ба АМИТ «Ховар» аз Донишгоҳи байналмилалии сайёҳӣ ва соҳибкории Тоҷикистон хабар доданд.
Зимни вохӯрӣ ҷонибҳо масъалаҳои густариши ҳамкорӣ дар самтҳои забономӯзӣ, соҳибкорӣ ва менеҷменти меҳмондориро баррасӣ намуда, роҳҳои амалии татбиқи барномаҳои муштарак, табодул академӣ, даъвати профессорони ҷонибҳо ва амсоли инҳоро мавриди муҳокима қарор доданд.
Намояндагони Донишгоҳи Реҷенти Лондон таҷрибаи донишгоҳро дар самти омодасозии мутахассисони соҳаи бизнес, хизматрасонӣ, маркетинг, идоракунии меҳмонхонаҳо ва забони англисӣ муаррифӣ намуданд.
Дар баробари ин, ректорони донишгоҳҳо ва ҳайати ҳамроҳон бо инфрасохтор ва муҳити таълимии Донишгоҳи Реҷенти Лондон шинос гардиданд.
Бояд иброз намуд, ки аз ҷониби донишгоҳи мизбон дар вохӯрӣ Морисио Эйтел, роҳбарияти департаменти забони англисӣ ва Винсент, муовини роҳбари Мактаби соҳибкорӣ ва меҳмондорӣ иштирок доштанд.
Ҷонибҳо ба мувофиқа расиданд, ки дар давраҳои наздик барномаҳои омӯзиши забони англисӣ барои омӯзгорону донишҷӯён, такмили ихтисос ва мубодилаи таҷрибаи таълимиву илмии профессорони ҷонибҳо ба роҳ монда шаванд.
Ҳамин тавр, бояд иброз намуд, ки мулоқоти мазкур ҳамчун саҳифаи муҳим дар таҳкими ҳамкории илмӣ ва таълимӣ байни муассисаҳои таҳсилоти олии касбии Ҷумҳурии Тоҷикистон ва Донишгоҳи Реҷенти Лондон арзёбӣ мегардад.
АКС: Донишгоҳи байналмилалии сайёҳӣ ва соҳибкории Тоҷикистон
Муттаҳидгардонии имтиҳонҳои хатми муассисаҳои таҳсилоти миёнаи умумӣ бо дохилшавӣ ба муассисаҳои таҳсилоти олии касбӣ. Ин масъала мавриди омузиш қарор мегирад
НИШАСТИ МАТБУОТӢ. Дар муассисаҳои таълимии Тоҷикистон низоми баҳогузории 10-хола чӣ натиҷа дод?
Вазири маориф ва илми Тоҷикистон: «Низоми дувоздаҳсолаи таълим дар марҳилаи аввал ба таври пилотӣ амалӣ карда мешавад»
Хонандаи тоҷик «Ҷоми Раёсати Донишгоҳи славянии Русияю Тоҷикистон»-ро соҳиб гардид
НИШАСТИ МАТБУОТӢ. Дар Донишгоҳи давлатии Хоруғ нахустин маротиба ду Шурои диссертатсионӣ барои ҳимояи рисолаҳои илмӣ таъсис ёфт
НИШАСТИ МАТБУОТӢ. Дар самти бунёди муассисаҳои томактабӣ дар ноҳияи Шоҳмансур чӣ тадбирҳо андешида мешаванд?
НИШАСТИ МАТБУОТӢ. Маркази «Низоми байналмилалии арзёбии омӯзиши забони тоҷикӣ» таъсис меёбад
НИШАСТИ МАТБУОТӢ. Дар ноҳияи Рашт 27 омузгор бо қитъаи замини наздиҳавлигӣ таъмин гардид
НИШАСТИ МАТБУОТӢ. Соли 2026 музди маоши кормандони Донишгоҳи давлатии Бохтар 10 фоиз баланд бардошта мешавад
Дар Донишгоҳи давлатии ҳуқуқ, бизнес ва сиёсати Тоҷикистон толори судӣ, клиникаи ҳуқуқӣ, марказҳои тестӣ ва забономӯзӣ фаъолият менамоянд
НИШАСТИ МАТБУОТӢ. Соли 2025 дар Донишгоҳи давлатии молия ва иқтисоди Тоҷикистон 15 ихтисоси нав таъсис ёфт
Донишгоҳи давлатии Кӯлоб омузгоронро барои ҳимояи рисолаи докторӣ бо 40 ҳазор сомонӣ қадрдонӣ менамояд
