Ба ноҳияи Лахш як экскаватор ва як мошини пуриқтидори сӯхторхомӯшкунӣ ворид карда шуд
ЛАХШ, 16.11.2025 /АМИТ «Ховар»/. Ба хотири рушд додани соҳаи кишоварзӣ ва таъмини амнияти озуқавории мамлакат дар доираи татбиқи «Лоиҳаи такмили идоракунии захираҳои обӣ ва обёрӣ дар Тоҷикистон» ба ноҳияи Лахш як экскаватори чархдори тамғаи JH 9155, соли бароришаш 2025, ғунҷоиши белаш 0,6 метри мураббаъ ворид карда шуд. Экскаватор аз мувозинаи Муассисаи давлатии «Маркази идораи лоиҳаи идоракунии захираҳои обии водии Фарғона» ба мувозинаи Идораи давлатии беҳдошти замин ва обёрии ноҳияи ноҳияи Лахш гузаронида шуд.
Мақсади асосии ворид кардани ин экскаватор самаранок истифода бурдани заминҳо, тозакунӣ ва барқарорсозии шабакаҳои обёрӣ, аз ҷумла заҳбуру заҳкашҳои дохили хоҷагиҳо ва дар ҳолати хуби техникӣ нигоҳ доштану сари вақт бартараф кардани офатҳои табиӣ дар заҳбуру каналҳо мебошад.
Ҳамчунин бо иқдоми роҳбарияти Вазорати корҳои дохилии Ҷумҳурии Тоҷикистон ва сардори сарраёсати Хадамоти давлатии оташнишонии Вазорати корҳои дохилии Ҷумҳурии Тоҷикистон ба қисми мустақили 57-уми ҳарбикунонидаи Хадамоти давлатии оташнишонӣ оид ба муҳофизати ноҳияи Лахш, ки ноҳияи дурдасттарин ва наздисарҳадӣ ба ҳисоб меравад, мошини пуриқтидори сӯхторхомӯшкунии тамғаи “АС ДОНГ ФЕНГ”, соли бароришаш 2025, истеҳсоли Чин дастрас карда шуд.
Раиси ноҳияи Лахш Каромиддин Холзода зимни тақдими техникаҳои мазкур ба роҳбарияти идораи беҳдошти замин ва обёрии ноҳия ва ба роҳбарияти қисми мустақили 57-уми ҳарбикунонидаи Хадамоти давлатии оташнишонӣ оид ба муҳофизати ноҳияи Лахш барои самаранок истифода намудани техникаҳо ва ба ин восита беҳтар намудани вазъи соҳаҳои кишоварзию сӯхторхомӯшкунӣ дастур дод.
Субҳониддини МАҲМУД,
АМИТ «Ховар»
АКС: Мақомоти иҷроияи ҳокимияти давлатии ноҳияи Лахш
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
