COP 30 ба платформаи калидии музокирот оид ба иҷрои уҳдадориҳои иқлимӣ табдил ёфтааст
ДУШАНБЕ, 14.11.2025 /АМИТ «Ховар»/. Конфронси тарафҳои Конвенсияи чаҳорчӯбаи Созмони Милали Муттаҳид оид ба тағйирёбии иқлим (COP 30), ки 10 ноябр дар шаҳри Белеми Бразилия оғоз ёфт, ба платформаи калидии музокирот оид ба иҷрои уҳдадориҳои иқлимӣ табдил ёфтааст, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон.
Ҳайати Ҷумҳурии Тоҷикистон дар иҷлосияи 30-юми Конфронси тарафҳои Конвенсияи чаҳорчӯбаи Созмони Милали Муттаҳид оид ба тағйирёбии иқлим /COP 30/ иштирок дорад.
Мавзуъҳои асосии форум коҳиш додани партовҳои газҳои гулхонаӣ, ҷалби маблағгузории иқлимӣ барои кишварҳои рӯ ба инкишоф, ҳифзи гуногунии биологӣ ва таъмини гузариши одилона мебошанд. Таваҷҷуҳи махсус ба мутобиқшавӣ ба таъсири тағйирёбии иқлим ва кор барои ҷуброни зарар аз таъсири иқлим равона карда мешавад.
Ҳайати Тоҷикистон диққати асосиро ба ҳифзи экосистемаҳои яхбандӣ равона намудааст. Инчунин пешбурди ташаббуси Ҷумҳурии Тоҷикистон барои
ҳифзи пиряхҳо ҳамчун манбаъҳои стратегии оби ширин, маблағгузории иқлимӣ ва таъмини дастрасӣ ба захираҳо барои лоиҳаҳо ҷиҳати мутобиқ шудан ба таъсири манфии тағйирёбии иқлим тамаркуз карда мешавад.
Интизор меравад, ки дар COP30 бастаи қарорҳо қабул гардад, ки ба тақвияти амалҳои ҷаҳонӣ барои мубориза бо тағйирёбии иқлим нигаронида шудаанд. Ҳайати Тоҷикистон умедвор аст, ки мавқеи мамлакат ба назар гирифта мешавад ва гуфтушунидҳо барои таъмини уҳдадориҳои мушаххас аз ҷониби ҷомеаи ҷаҳонӣ ба дастгирии кишварҳои осебпазир, аз ҷумла кишварҳои дар ҳоли рушди маҳсур ба баҳр (LLDCs) мусоидат менамоянд.
Маълумоти истинодӣ:
Конфронси Тарафҳо (COP) олитарин мақоми гуфтушунид дар доираи Конвенсияи чаҳорчӯбаи Созмони Милали Муттаҳид оид ба тағйирёбии иқлим (UNFCCC) мебошад. COP 30 дар Белеми Бразилия таҳти раёсати Бразилия идома дорад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Манзараҳои зебои табиати Тоҷикистон дар «Pakistan TV Digital» намоиш дода мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Намояндаи Қазоқистон Нина Пиманкина: «Дар ташкили конфронсҳои байналмилалӣ мехоҳем аз таҷрибаи Тоҷикистон истифода намоем»
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
Татбиқи лоиҳаҳои афзалиятноки миллӣ ва минтақавӣ дар соҳаҳои кишоварзӣ, ҷангал ва ҳифзи муҳити зист баррасӣ гардид
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
Сироҷиддин Муҳриддин: «Ҳамкории муассир ягона роҳи устувори ҳалли мушкилоти муштараки об мебошад»
РАВАНДИ ОБИ ДУШАНБЕ. Дар Душанбе ташаккули рӯзномаи ҷаҳонии об баъд аз соли 2030 баррасӣ шуд
