Дар қаламрави Тоҷикистон заминларза ба амал омад

ДУШАНБЕ, 05.11.2025 /АМИТ «Ховар»/. Имрӯз, 5 ноябр тақрибан соати 10:58 бо вақти маҳаллӣ дар қаламрави Ҷумҳурии Тоҷикистон заминларза ба амал омад. Дар ин хусус ба АМИТ «Ховар»  аз Хадамоти геофизикии Академияи миллии илмҳои Тоҷикистон хабар доданд.

Тибқи иттилои манбаъ, маркази заминларза дар масофаи 167 километр шимолу шарқ аз шаҳри Душанбе, 20 километр шимолу шарқ аз шаҳри Истаравшан ва 48 километр ҷанубу ғарб аз шаҳри Хуҷанд ба қайд гирифта шуд.

Қувваи заминларза дар марказаш 4 балл, дар шаҳри Хуҷанд 2-3 балл, дар шаҳри Истаравшан 3 балл ва дар шаҳраки Пролетар 2-3 баллро ташкил дод.

АКС аз манбаъҳои боз