Дар Донишгоҳи давлатии Хуҷанд омӯзиши забони фаронсавӣ баррасӣ гардид

ДУШАНБЕ, 28.11.2025 /АМИТ «Ховар»/. 27 ноябр зимни мулоқоти ректори Донишгоҳи давлатии Хуҷанд ба номи академик Бобоҷон Ғафуров Мирзотоҳир Набизода ва Сафири Фавқулода ва Мухтори Ҷумҳурии Фаронса дар Ҷумҳурии Тоҷикистон Элза Пинёл оид ба густариш додани ҳамкорӣ мубодилаи афкор доир гардид.

Мирзотоҳир Набизода доир ба тавсеаи ҳамкории байналмилалӣ, ҷалби таҷрибаи пешрафтаи давлатҳои хориҷӣ ва тақвияти омӯзиши забонҳои хориҷӣ, бахусус забони фаронсавӣ ибрози назар намуд.

Ҳамсуҳбатон инчунин ташкили синфхонаҳои лингафонӣ, таъмин бо китобҳои дарсии муосири фаронсавӣ ва боло бурдани сифати таълими забони фаронсавиро дар донишгоҳ баррасӣ намуданд.

АКС: Донишгоҳи давлатии Хуҷанд ба номи академик Бобоҷон Ғафуров