Дар Душанбе конференсияи байналмилалии «Математика дар ҷаҳони муосир» баргузор шуд
ДУШАНБЕ, 29.11.2025 /АМИТ «Ховар»/. 28 ноябр дар Институти математикаи ба номи академик А. Ҷӯраеви Академияи миллии илмҳои Тоҷикистон конференсияи байналмилалии «Математика дар ҷаҳони муосир» бо иштироки олимони муҳаққиқ аз Тоҷикистон, Узбекистон, Қирғизистон, Озарбойҷон ва Русия доир гардид.
Тавре АМИТ «Ховар» бо истинод ба Академияи миллии илмҳо хабар медиҳад, конференсия ба 85-солагии донишманди барҷаста, доктори илмҳои физикаю математика, профессор шодравон Темур Собиров бахшида шуда, саҳми ӯ дар ташаккули мактаби математикӣ ва рушди илмҳои дақиқ таъкид гардид. Иброз гардид, ки фаъолияти илмӣ, корҳои таҳқиқотии арзишманд, дастгирии ҷавонони истеъдодманд ва саҳми олим дар муаррифии математикаи тоҷик дар арсаи байналмилалӣ ҷойгоҳи созандаи ин донишманди барҷастаро боз ҳам устувор гардонидааст.
Дар конференсия аҳамияти илмӣ ва байналмилалии ҳамоиш баланд арзёбӣ гардид. Гуфта шуд, ки ин на танҳо минбари муҳими муаррифии дастовардҳои нави илмии олимон аст, балки барои шиносоии мутахассисон бо равандҳои муосири рушди математика дар сатҳи ҷаҳонӣ, муҳокимаи масъалаҳои мубрами назариявию амалӣ ва ҷустуҷӯи роҳҳои ҳалли онҳо заминаи арзишманд фароҳам меорад.
Маърузаҳои илмӣ, ки дар конференсия пешниҳод шуданд, самтҳои гуногуни илми муосири математикаро дар бар гирифта, ба ширкаткунандагон имкони шиносоӣ бо равандҳои нави рушди илм, натиҷаҳои пажуҳишҳои охирин ва роҳҳои ҳалли масъалаҳои мураккаби илмиро фароҳам оварданд.
Иброз гардид, ки баргузории чунин конференсияҳои байналмилалӣ барои муаррифии дастовардҳои илмии муҳаққиқони тоҷик, тавсеаи ҳамкории муштараки илмӣ ва таҳкими робитаҳои судманд байни олимони мамлакатҳои гуногун аҳамияти хосса дорад.
АКС: Академияи миллии илмҳои Тоҷикистон
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
Дар Донишгоҳи давлатии Бохтар 32-солагии қабули Конститутсияи Тоҷикистон таҷлил карда шуд
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Олими ҷавони тоҷик соҳиби патентҳои Ҷумҳурии Беларус гардид
Туҳфаҳои Пешвои миллат ба тарбиятгирандагони Мактаб-интернати шаҳри Истаравшан супорида шуданд
Давраи чоруми бақайдгирии довталабон барои иштирок дар ИМД-2026 оғоз гардид
Намояндагони Сафорати Тоҷикистон дар Донишгоҳи политехникии Москва бо донишҷӯёни тоҷик вохӯрӣ намуданд
Дар Донишгоҳи миллии Тоҷикистон оид ба ҷашни 40-солагии Истиқлоли давлатӣ ва фарҳанги истифодаи неруи барқ ҳамоиш доир шуд
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои илмии вилояти Хуросони Разавии Эрон тақвият меёбад
