Дар Риёз Рӯзи Президенти Ҷумҳурии Тоҷикистон таҷлил гардид
ДУШАНБЕ, 17.11.2025 /АМИТ «Ховар»/. 16 ноябр дар шаҳри Риёз бо ташаббуси Сафорати Ҷумҳурии Тоҷикистон дар Подшоҳии Арабистони Саудӣ ба ифтихори Рӯзи Президенти Ҷумҳурии Тоҷикистон ҳамоиш баргузор гардид.
Тавре ба АМИТ «Ховар» аз Сафорати Ҷумҳурии Тоҷикистон дар Подшоҳии Арабистони Саудӣ хабар доданд, чорабинии мазкур дар Деҳаи олимпии Риёз бо иштироки намояндагони мақомоти давлатии Ҷумҳурии Тоҷикистон ва варзишгарони тоҷик, ки дар Бозиҳои ҳамбастагии исломӣ иштирок менамоняд, инчунин тоҷикистониёни муқими Арабистони Саудӣ, ҳамватанони бурунмарзӣ ва намояндагони воситаҳои ахбори омма роҳандозӣ шуд.
Сафири Фавқулода ва Мухтори Ҷумҳурии Тоҷикистон дар Подшоҳии Арабистони Саудӣ Акрам Каримӣ дар хусуси хидматҳои бузурги таърихӣ ва талошҳои беназири Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар масири эҳё ва ташаккули давлатдории миллӣ, ҳифзи истиқлолу тамомияти арзии Тоҷикистон, таъмини суботи сиёсӣ ва сулҳу ваҳдати миллӣ, раванди дастёбии кишвар ба дастовардҳои фарогир дар бахшҳои гуногуни ҳаёти ҷомеа ва инчунин баланд бардоштани нуфузу эътибори Тоҷикистон дар арсаи байналмилалӣ маълумот дод.
Таъкид гардид, ки ҳузури фаъол ва муваффақи варзишгарони тоҷик дар даври шашуми Бозиҳои ҳамбастагии исломӣ, ки дар Арабистони Саудӣ ҷараён дорад, аз таваҷҷуҳи назарраси Ҳукумати Ҷумҳурии Тоҷикистон таҳти раҳбарии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон нисбат ба рушди варзиш ва тавонмандсозии ҷавонону варзишгарони мамлакат дарак медиҳад.
АКС: Сафорати Ҷумҳурии Тоҷикистон дар Подшоҳии Арабистони Саудӣ
Сафири Тоҷикистон дар Амороти Муттаҳидаи Араб дар ҷаласаи 32-юми Шурои IRENA иштирок намуд
Дар Женева чорабинии сатҳи баланд дар мавзуи «Сулҳи устувор дар Осиёи Марказӣ: сабақҳо аз Эъломияи дӯстии абадии Хуҷанд» доир шуд
Сафири Тоҷикистон дар Амрико бо тоҷикони Канада мулоқот намуд
Сироҷиддин Муҳриддин бо Сафири Арабистони Саудӣ мулоқот намуд
Ба бузургдошти Робиаи Балхӣ ва Ҳофизи Шерозӣ дар Вена ҳамоиш доир гардид
Дар Душанбе дурнамои муносибатҳои Тоҷикистон ва Италия баррасӣ гардид
Сафири Тоҷикистон бо роҳбари ширкати аморотии Tahaluf AI мулоқот намуд
Намояндаи Тоҷикистон дар ҷаласаи 6-уми Форуми раисони шаҳрҳои Комиссияи иқтисодии СММ барои Аврупо иштирок намуд
Ҳамкории Тоҷикистон бо ширкати LANXESS Олмон баррасӣ гардид
Сафири Тоҷикистон бо раиси иҷроии Муассисаи ташаббуси сармоягузории оянда мулоқот намуд
Дурнамои муносибатҳои дуҷонибаи Тоҷикистону Умон баррасӣ гардид
Тоҷикистон ва Австрия машваратҳои сиёсӣ баргузор намуданд
