Дастаи наврасони Тоҷикистон (U-15) дар бозии санҷишӣ дастаи мунтахаби Русияро мағлуб кард

ДУШАНБЕ, 18.11.2025 /АМИТ «Ховар»/. Дастаи наврасони то 15-солаи Тоҷикистон оид ба футбол таҳти роҳбарии Ҷаъфар Ахмедов бо дастаи наврасони Русия (U-14) рақобати дуюми санҷишӣ анҷом дод.

Тавре ба АМИТ «Ховар» аз Федератсияи футболи Тоҷикистон хабар доданд, ин бозӣ 17 ноябр дар варзишгоҳи «ТАЛКО-Арена»-и Турсунзода баргузор шуда, бо пирӯзии дастаи Тоҷикистон бо ҳисоби 3:0 анҷом ёфт.

Қаблан, дар бозии якуми санҷишӣ, ки 14 ноябр дар Ҳисор баргузор шуд, дастаи Русия бо ҳисоби 5:3 ғолиб гардид.

АКС: Федератсияи футболи Тоҷикистон