Доир ба нақши зеҳни сунъӣ дар ташаккули иқтисодиёти муосир конференсияи байналмилалӣ баргузор шуд
ДУШАНБЕ, 26.11.2025 /АМИТ «Ховар»/. 25 ноябр бо ташаббуси Коллеҷи информатика ва техникаи компютерии шаҳри Душанбе таҳти унвони «Нақши зеҳни сунъӣ дар ташаккули иқтисодиёти муосир» конференсияи байналмилалии илмӣ-амалӣ баргузор гардид.
Тавре АМИТ «Ховар» бо истинод ба Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон хабар медиҳад, конференсия ба Солҳои рушди иқтисоди рақамӣ ва инноватсия бахшида шуд. Дар он коршиносон ва муҳаққиқони соҳаи технологияҳои иттилоотӣ аз Тоҷикистон, Қазоқистон ва Қирғизистон иштирок намуданд.
Иброз гардид, ки рушди инноватсия, афзоиши саводи рақамӣ, амалӣ намудани хизматрасониҳои электронӣ, ҳисоббаробаркуниҳои ғайринақдӣ ва рақамикунонии равандҳои иқтисодию иҷтимоӣ яке аз самтҳои афзалиятноки рушди устувори ҷумҳурӣ мебошад.
Ҷумҳурии Тоҷикистон солҳои охир дар самти рақамикунонии соҳаҳои иқтисоди миллӣ қадамҳои устувор мегузорад.
Таъкид шуд, ки бо иқдоми Пешвои миллат муҳтарам Эмомалӣ Раҳмон солҳои 2025–2030 Солҳои рушди иқтисоди рақамӣ ва инноватсия эълон гардиданд. Ин дастгирии равшан ва фаъолона ба равандҳои инноватсионӣ ва истифодаи васеи технологияҳои рақамӣ мебошад.
Намояндагони муассисаҳои таҳсилоти олӣ ва коллеҷҳои касбии Қазоқистон ва Қирғизистон дар формати маҷозӣ ҷиҳатҳои гуногуни истифодаи зеҳни сунъӣ дар қабули қарорҳо, таҳлили маълумот, омӯзиши фосилавӣ ва баланд бардоштани сифати таҳсилоти касбиро шарҳ доданд. Махсусан, мавзуъҳое, ба мисли нақши зеҳни сунъӣ дар рушди системаҳои иттилоотӣ, имконоти он барои муаллимони фанни информатика ва таъсири технологияи рақамӣ ба қабули қарорҳои идоракунии устувор мавриди баррасӣ қарор гирифтанд.
«Омодасозии кадрҳои баландихтисос, такмили барномаҳои таълимӣ, ҳамгироии зеҳни сунъӣ ба низоми таҳсилоти касбӣ ва дастгирии техникию методӣ аз омилҳои муҳими пешбурди иқтисоди рақамӣ мебошанд. Зеҳни сунъӣ имкон медиҳад сифати хизматрасониҳо беҳтар гардида, самаранокии истеҳсолот ва идоракунӣ боло равад»,-таъкид шуд дар конференсия.
Иштирокчиён зимни саволу ҷавоб масъалаҳои амалӣ, аз ҷумла роҳҳои татбиқи зеҳни сунъӣ дар таълим, омӯзиши маҷозии донишҷӯён, рушди стартапҳо, дастгирии лоиҳаҳои инноватсионӣ ва густариши ҳамкории байналмилалиро муҳокима намуданд.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
«Амонатбонк» ҳамкориро бо Бонки кишоварзии Чин тақвият медиҳад
Ҳаракати қатораи мустақими мусофирбар дар масири Душанбе — Москва барқарор карда шуд
Шурои Гурӯҳи Бонки ҷаҳонӣ Барномаи шарикии кишварӣ барои Тоҷикистонро қабул намуд
Барои ҳаракати нақлиёти боркаши гаронвазн дар роҳҳои мошингард маҳдудият ҷорӣ гардид
Ҷаласаи 8-уми Комиссияи муштараки ҳамкории тиҷоратӣ, иқтисодӣ ва илмӣ-техникии Тоҷикистон ва Покистон баргузор шуд
Дар ноҳияи Зафаробод ҷамъоварии ҳосили ғалладонагиҳо оғоз гардид
«ХАТЛОН — САРЗАМИНИ ТАМАДДУНҲО ВА САЁҲАТ». Дар Чилдухтарон форум ва намоишгоҳи байналмилалии сайёҳӣ баргузор мешавад
Дар Бохтар масъалаи таҳкими ҳамкорӣ дар соҳаи тандурустӣ бо Агентии байналмилалии неруи атомӣ баррасӣ шуд
ТАЪМИНИ АМНИЯТИ ОЗУҚАВОРӢ. Шумораи гармхонаҳои доимамалкунандаи Тоҷикистон 1028 ададро ташкил медиҳад
Ҳамкории Бонки миллии Тоҷикистон бо Хазинаи байналмилалии асъор тавсеа меёбад
Дар Душанбе масъалаи ҳамкории Тоҷикистон бо шарикони рушд дар соҳаи обрасонӣ ва санитария баррасӣ шуд
Кишоварзони Тоҷикистон дар майдони беш аз 180 ҳазор гектар пунбадона кишт намудаанд
