МегаФон Тоҷикистон U-17-ро дар чемпионати ҷаҳон – 2025 дар Қатар дастгирӣ намуд

ДУШАНБЕ, 03.11.2025 /АМИТ «Ховар»/. Ширкати «МегаФон Тоҷикистон» аз дастгирии сафари дастаи мунтахаби наврасони Тоҷикистон (U-17) ба чемпионати ҷаҳон дар Қатар хабар дод.

Ин иқдом на танҳо барои варзишагрони ҷавон имкони арзанда муаррифӣ намудани ҷумҳуриро дар арсаи ҷаҳонии футбол фароҳам меорад, балки қисме аз ташаббуси васеъмиқёс оид ба рушди футболи кӯдакона дар ҷумҳурӣ маҳсуб меёбад, ки бо мусобиқаи «МегаФон U12» анҷом ёфт.

Дастгирии МегаФон Тоҷикистон ба мунтахаби наврасон (U-17) имкон дод, ки дар мусобиқаи асосии байналмилалӣ иштирок намоянд. Пеш аз сафар, бо илҳом бахшидани насли оянда, бозингарони мунтахаб бо финалистони мусобиқаи «МегаФон U12», ки аз ҷониби Лигаи футболи кӯдакону наврасони Тоҷикистон бо дастгирии ширкати «МегаФон Тоҷикистон» ташкил карда шуд, вохӯрданд.

Мусобиқаи «МегаФон U12», ки дар Душанбе аз 9 то 14 октябр баргузор гардид, боистеъдодтарин футболбозони наврасро ҷамъ овард. Финалистон барои бо дӯстони калонсоли худ аз мунтахаби U-17 вориди майдон шудан имконияти беназире пайдо намуданд. Варзишгарони соҳибтаҷриба ба писарбачаҳо маслиҳатҳо дода, онҳоро баҳри ноилшавӣ ба дастовардҳои нав илҳом бахшиданд.

«Вохӯрӣ бо футболбозони дастаи мунтахаби наврасони Тоҷикистон U-17 ҷолиб буд. Онҳо моро барои футболбоз шудан ва бозӣ кардан дар мусобиқаҳои байналмилалӣ илҳом бахшиданд», — иброз дошт яке аз иштирокчиёни мусобиқа Бахтиёр.

«Мо аз имконияти дастгирӣ намудани мунтахаби худ ва фароҳам овардани шароитҳое, ки варзишгарони ҷавонро барои ноил шудан ба дастовардҳои нав илҳом мебахшанд, бениҳоят ифтихормандем. Вохӯрӣ бо бозингарони U-17 – ин ҳавасмандии муассир барои чемпионҳои оянда буда, маҳз чунин лаҳзаҳо ояндаи варзишии мамлакатро ташаккул медиҳанд», — гуфт директори генералии «МегаФон Тоҷикистон» Анатолий Изюмников.

Директори Лигаи футболи кӯдакону наврасони Тоҷикистон Абдулло Соқиев муҳимияти шарикиро таъкид намуда, иброз дошт, ки дастгирии ширкати «МегаФон Тоҷикистон» дар рушди варзиши кӯдакона саҳми калон мегузорад. Чунин ташаббусҳо ба варзишгарони наврас барои боварӣ пайдо намудан ба неруи худ ва орзуҳои бузург кумак расонда, барои инкишофу рушди насли нави варзишгарон, ки Тоҷикистонро дар арсаи байналмилалӣ арзанда муаррифӣ менамоянд, шароитҳоро фароҳам меоранд.

Дастаи мунтахаби наврасони Тоҷикистон (U-17) дар чемпионати ҷаҳон – 2025 дар Қатар, ки бори нахуст дар шакли васеъ аз 3 то 27 ноябр баргузор мегардад, 48 дастаро гирди ҳам меорад, баромад мекунад. Дастаи мунтахаби Тоҷикистон дар гурӯҳи «I» бозӣ хоҳад намуд:

-5 ноябр бар зидди Чехия

-8 ноябр — бо ИМА

-11 ноябр — бо Буркина-Фасо

«МегаФон Тоҷикистон» – якҷоя футболро инкишоф дода, чемпионҳои ояндаро ба воя мерасонем!

АКС: Ширкати МегаФон Тоҷикистон